Psalm 77:12 - Pennsylvania Dutch Bible

¹² Ich zayl ivvah awl dei verka denka, un zayl zrikk denka an awl dei kshefta.

Psalm 77:12 Referans Kwoze

Psalm 145:11

Si zayla shvetza veyyich di hallichkeit funn dei Kaynich-Reich, un veyyich dei macht,

Psalm 71:24

Un mei zung zayld shvetza veyyich dei gerechtichkeit da gans dawk lang, veil selli es miah letz du henn vella, fashtatzt un fashohmd sinn.

5. Mosi 6:7

Diah sellet si goot lanna zu eiyah kinnah, un sellet shvetza veyyich si vann diah in eiyah haus hokket, vann diah uf em vayk lawfet, vann diah eich anna layyet un vann diah uf shtaynd.

Psalm 145:4

Vass du gedu hosht vatt gepreist funn ay nohch-kummashaft zu di neksht; si fazayla veyyich dei mechtichi verka.

Psalm 143:5

Ich meind noch di dawwa funn lang zrikk; ich denk ivvah awl di sacha es du gedu hosht, un denk zrikk an vass dei hend gedu henn.

Psalm 105:2

Singet zu eem, un lohvet een, sawwet veyyich awl sei vundahboahri verka!

Psalm 104:34

Loss mei gedanka veyyich eem kfellich sei zu eem; ich froi mich im Hah.

5. Mosi 7:18

Avvah feichet eich nett veyyich eena. Denket zrikk an vass da Hah eiyah Gott gedu hott zumm Pharao un gans Egypta.

5. Mosi 7:19

Diah hend's leides ksenna mitt eiyah aykni awwa, un di zaycha un vundahra es da Hah eiyah Gott gedu hott vo eah eich raus gebrocht hott mitt en mechtichi hand un en naus kshtrektah oahm. Da Hah eiyah Gott zayld sell aw du zu awl di leit es diah eich nau feichet diveyya.

Psalm 105:5

Denket an di vundahboahra verka es eah gedu hott, an sei zaycha un's richtes funn seim maul,

Psalm 119:52

Vann ich an dei adnunga denk funn lang zrikk, oh Hah, dann binn ich gedraysht.

Jesoiya 63:11

Sei leit henn no an di alda dawwa gedenkt, di dawwa fumm Mosi un sei leit— vo is sellah es si deich da say gebrocht hott mitt em shohf-heedah funn sei drubb? Vo is sellah es sei Heilichah Geisht unnich si gedu hott,