Psalm 75:8 - Pennsylvania Dutch Bible

⁸ Da Hah haybt en kobli in sei hand, kfild mitt shaumichah vei es goot gmixt is. Eah leaht's aus un awl di ungettlicha uf di eaht missa's drinka nunnah biss an da satz.

Psalm 75:8 Referans Kwoze

Hiob 21:20

Loss si iahra shtrohf sayna mitt iahra aykni awwa, loss si selvaht da zann fumm Awlmechticha drinka.

Jeremia 25:15

Dess is vass da Hah, da Gott funn Israel ksawt hott zu miah: “Nemm dess kobli funn mei hand es kfild is mitt em vei funn mei zann un mach awl di leit's drinka es ich dich shikk ditzu.

Psalm 11:6

Uf di gottlohsa reyyaht eah feiyahrichi kohla un brennichah shvevvel. Iahra dayl zayld haysah vind sei.

Di Offenbarung 16:19

Di grohs shtatt is in drei daylah kshpalda un di shtett funn alli lendah sinn zammah nunnah kfalla. Gott hott grohs Babylon nett fagessa. Eah hott iahra's kobli gevva mitt em vei funn sei heslichah zann.

Jeremia 25:17

So habb ich's kobli funn sei hand gnumma un habb awl di leit gmacht's drinka es eah mich kshikt hott ditzu, naymlich:

Jesoiya 5:22

Vay zu selli es mayna si sinn grohs bei feel vei saufa, un shteiki mennah sinn bei shteik drinkes mixa,

Psalm 60:3

Du hosht dei leit gmacht soffahra, du hosht uns vei gevva zu drinka es uns macht shtaekkahra.

Jesoiya 51:22

Dess is vass dei Awlmechtichah Hah sawkt, dei Gott es ufshtayt fa sei leit: “Gukk moll, ich habb's kobli aus dei hand gnumma, es kobli es dich ksoffa macht. Du solsht nimmi aus sellem kobli funn zann drinka.

Shpricha 23:30

Selli es lang beim vei hokka, selli es rumm heah gayn am gukka fa iahra vei mixa.

Jesoiya 51:17

Vekk uf, vekk uf, un shtay uf, Jerusalem, du es fumm Hah sei hand sei kobli funn zann gedrunka hosht, du es da letsht drobb gedrunka hosht, un's hott dich shtaekkahra gmacht.

Psalm 73:10

Fasell doon leit sich zu eena drayya, un drinka iahra kshvetz ei vi vassah.

1. Samuel 2:7

Da Hah macht oahm un macht reich, eah bringd niddah un haybt uf.

Ezekiel 23:34

Du zaylsht's drinka un's gans leah macha; du shmeisht's nunnah un fabrechsht's in shtikkah, un shneitsht dei aykni brisht ab. Ich habb kshvetzt, sawkt da Awlmechtich Hah.