Psalm 74:4 - Pennsylvania Dutch Bible

⁴ Dei feinda henn laut gegrisha in di mitt funn dei fasamling-blatz; un henn iahra aykni zaycha datt ufketzt.

Psalm 74:4 Referans Kwoze

Glawk-Leedah 2:7

Da Hah hott sei awldah nunnah gedrayt, un sei heilichah tempel falossa. Eah hott di vanda funn di kaynich-heisah ivvah-gevva zu di feinda. Si henn gegrisha im Hah sei haus, vi als in en feiyah-dawk.

Matthäus 24:15

(Loss da laysah fashtay.) Vann diah dess veesht ding vo alles fadaubt saynet shtay im heilicha-blatz—dess is vass da brofayt Daniel kshvetzt hott diveyya—

2. Chronik 36:17

So hott eah da kaynich funn Babylon ruff gebrocht geyyich si, deah es iahra yungi mennah doht gmacht hott mitt em shvatt in iahra tempel. Eah voah nett bamhatzich zu di yunga mennah un mayt, di alda mennah adda di granka: Gott hott si awl ivvah-gedrayt zumm Nebukadnezar.

4. Mosi 2:2

“Di Kinnah-Israel sella iahra tents ufhokka ausa um da fasamling-tent rumm avvah en shtikk vekk. Yaydah ebbah soll bei sei family-shtamm bleiva un unnich iahra meikah-flag.

Di Offenbarung 13:6

No hott eah sei maul uf gmacht fa leshtahra geyyich Gott. Eah hott Gott sei nohma un sei tempel gleshtaht, un aw selli vo im Himmel voona.

Lukas 21:20

Avvah vann diah moll di grohsa drubba greeks-gnechta saynet um Jerusalem rumm, no visset es di zeit nayksht is vann di shtatt veesht un leah vadda zayld.

Lukas 13:1

Nau's voahra samm leit datt an selli zeit es Jesus fazayld henn veyyich di Galilayah. Da Pilawtus hott iahra bloot zammah gmixt mitt iahrem opfah.

Daniel 6:27

Eah nemd leit aus di kfoah un macht si frei; eah dutt zaycha un vundahra, im himmel un uf di eaht. Eah hott da Daniel aus di kfoah gnumma, aus di graft funn di layb.”