Psalm 74:19 - Pennsylvania Dutch Bible

¹⁹ Dray nett's layva funn dei daddel-daub ivvah zu vildi diahra, fagess nett's layva funn dei aylendichi leit fa'immah.

Psalm 74:19 Referans Kwoze

Hohches Leet 2:14

Mei daub datt zvishich di felsa, datt vo du dich fashtekkelsht am hivvel nohch, veis miah dei ksicht, loss mich dei shtimm heahra; fa dei shtimm is so sees, un dei ksicht so shay.

Matthäus 10:16

Denket an dess, ich shikk eich naus vi shohf unnich di velf. So sellet diah veisheit havva vi di shlanga, un doch unni falshheit vi di dauva.

Psalm 9:18

Selli es noht henn zayla nett immah fagessa sei, un di hofning funn di oahma gayt nett faloahra.

Zephania 3:12

Ich loss selli datt in di mitt funn diah es sich daymeedich un niddah hayva, selli es em Hah sei nohma drauwa.

Jesoiya 60:8

Veah sinn dee es fleeya vi volka, vi dauva zu iahra neshtah?

Hohches Leet 4:1

Du bisht so shay, mei beleebdi, so vundahboah shay! Dei awwa sinn vi dauva awwa zvishich dei hoah-zebba. Dei hoah sinn vi en drubb gays am nunnah gay fumm Berg Gilead.

Psalm 72:2

So es eah dei leit richta dutt mitt gerechtichkeit, un feah is zu dei oahmi.

Psalm 68:13

Even fa selli funn eich es an di shohf-penna zrikk geblivva sinn, hott's dauva flikkel gedekt mitt silvah, un iahra feddahra mitt sheinich gold.

Psalm 68:10

so es dei drubb leit drinn voona henn kenna. Un deich dei goot-maynichkeit, oh Gott, hosht du acht gevva uf di oahma.

Hohches Leet 6:9

avvah di aynsisht unni faylah in sich is mei daub, see is iahra maemm iahra aynsisht maydel, un is di leebsht es see geboahra hott. Di yunga mayt sayna see un haysa see ksaykend, un di kaynich-veivah un di nayva-veivah lohva see.

Psalm 10:12

Shtay uf, oh Hah! Hayb dei hand uf, oh Gott. Fagess selli nett es sich nett helfa kenna.