Psalm 71:12 - Pennsylvania Dutch Bible

¹² Oh Gott, bleib nett veit vekk funn miah; dummel dich, oh mei Gott, un helf miah.

Psalm 71:12 Referans Kwoze

Psalm 35:22

Du hosht dess ksenna, oh Hah, sei nett shtill diveyya; bleib nett veit vekk funn miah, oh Hah.

Psalm 70:5

Avvah ich binn shvach un habb noht; kumm kshvind zu miah, oh Gott. Du bisht mei hilf un machsht mich frei, oh Hah, voaht nett.

Psalm 22:11

Bleib nett veit vekk funn miah, fa druvvel is nayksht, un's is nimmand fa helfa.

Psalm 10:1

Favass shtaysht du veit vekk, oh Hah? Favass fashtekkelsht du dich an di zeit funn druvvel?

Psalm 143:7

Gebb miah kshvind andvat, oh Hah, mei geisht hott kenn hofning. Fashtekkel dei ksicht nett funn miah, adda ich va vi selli es nunnah in's grawb gayn.

Psalm 69:18

Kumm nayksht zu mei sayl un mach mich frei; mach mich frei funn mei feinda.

Psalm 40:13

Loss es kfellich sei zu diah, oh Hah, fa mich frei setza; dummel dich, oh Hah, un helf miah.

Psalm 22:19

Avvah du, oh Hah, bleib nett veit vekk funn miah, oh du, mei Graft, kumm kshvind un helf miah.