Psalm 7:15 - Pennsylvania Dutch Bible

¹⁵ Eah macht en loch un grawbt's aus fa anri, un fald selvaht in's loch es eah gmacht hott.

Psalm 7:15 Referans Kwoze

Hiob 4:8

Dess havvich shund ksenna, selli es ungerechtichkeit bloowa, un selli es druvvel sayya, doon's aw eahnda.

Psalm 141:10

Loss di gottlohsa in iahra aykni nets falla, diveil es ich haus kalda binn.

Shpricha 26:27

Vann en mann en loch grawbt, dann fald eah selvaht nei; vann en mann en shtay rold, dann rold eah zrikk uf een.

Psalm 10:2

Di gottlohsa sinn grohs-feelich un gayn di oahma nohch; loss si kfanga sei in iahra aykni shkeema.

Psalm 57:6

Si henn iahra net ksetzt fa mei shritt fanga, un mei sayl is niddah gebikt. Si henn en loch gegrawva in mei pawt, avvah si selvaht sinn nei kfalla. (Sela)

Esther 7:10

So henn si da Haman kanka uf em galya es eah grisht katt hott fa da Mordecai. No hott em kaynich sei zann sich glaykt.

Shpricha 5:22

Di sinda funn en gottlohsah mann fanga een, un eah vatt kohva mitt di shtrikk funn sei sinda.

Jeremia 18:20

Sett goodes zrikk betzawld sei mitt evil? Doch henn si en loch gegrawva es ich nei falla soll. Denk droh es ich fannich diah kshtanna habb un habb kshvetzt fa si, so es du dei zann vekk draysht funn eena.

Psalm 119:85

Di shtolsa grawva lechah es ich nei falla soll, un doon nett dei ksetz nohch gay.

Psalm 94:13

Du gebsht eem roo funn di dawwa mitt druvvel, biss en grawb gegrawva is fa di gottlohsa.

Hiob 6:27

Diah daydet even shteklen zeeya im lohs fa kinnah greeya unni en daett, un daydet eiyah freind vekk fahandla.

Hiob 15:35

Si henn im sinn fa druvvel macha un evil du, un iahra meind risht sich fa fafiahra.”

Jesoiya 33:11

Vass diah im sinn hend fa du, is shprau, un vass diah ausdrawwet is shtroh; eiyah ohften is en feiyah es eich selvaht ufbrend.

Jesoiya 59:4

Nimmand is eahlich veyyich leit iahra recht, un nimmand bringd sei ayya sach eahlich foah. Si falossa sich uf leit fashtatzt macha un uf leeya, si shteahra mitt druvvel un enda mitt sinda.

Daniel 6:25

No hott da Kaynich Darius kshrivva zu awl di leit, un lendah funn alli shprohch es in di eaht voahra. Eah hott kshrivva: “Fridda sei zu eich!