Psalm 7:10 - Pennsylvania Dutch Bible

¹⁰ Mei shield ivvah mich is Gott, deah vo di gerechta im hatz helft.

Psalm 7:10 Referans Kwoze

Shpricha 28:18

Veah unshuldich lawft bleibt aus di kfoah, avvah veah uneahlich is zayld bletzlich in en loch falla.

Psalm 125:4

Oh Hah, du goot zu selli es goot sinn, un zu selli es ufrichtich im hatz sinn.

Psalm 84:11

Fa Gott da Hah is en sunn un en shield; da Hah gebt gnawt un hallichkeit. Eah haybt nix goodes zrikk funn selli es ufrichtich lawfa.

Shpricha 11:20

Da Hah hast mensha mitt falshi hatza, avvah eah hott frayt mitt selli es unshuldich lawfa.

1. Mosi 15:1

Noch demm is es vatt fumm Hah zumm Abram kumma in en vision un's hott ksawt, “Feich dich nett, Abram, ich binn dei shield, un dei grohsi betzawling.”

Shpricha 2:21

Fa di ufrichticha zayla im land layva, un di unshuldicha zayla drinn bleiva.

Psalm 112:2

Sei nohch-kummashaft zayld mechtich sei im land, di kinnah funn di ufrichticha zayla ksaykend sei.

Psalm 89:18

Unsah shield heaht zumm Hah, un unsah kaynich zumm Heilicha Gott in Israel.

Psalm 3:3

Avvah du bisht en shield um mich rumm, oh Hah, du gebsht miah eah un haybsht mei kobb uf.

Hiob 8:6

vann du rein un gerecht bisht, dann dutt eah geviss sich rishta fa diah helfa, un diah zrikk gevva vass dei is.

1. Chronik 28:9

Un du, mei boo Solomon, lann da Gott funn dei faddah kenna un deen een mitt dei gans hatz un mitt en villichi sayl. Fa da Hah sucht di hatza aus, un fashtayt alles es di gedanka im sinn henn. Vann du een suchsht, zaylsht du een finna; avvah vann du een falosht, dann shtohst eah dich vekk fa'immah.

2. Chronik 6:30

no heich ab funn deim voon-blatz im himmel. Fagebb un shaff mitt yaydah mensh so vi eah gedu hott, veil du vaysht vass in seim hatz is, fa du laynich vaysht vass im hatz funn alli mensh is.

Jeremia 11:20

No habb ich gebayda, “Oh Awlmechtichah Hah, du gerechtah richtah, du broviahsht's hatz un di gedanka; ich habb mei sacha ivvah-gedrayt zu diah, loss mich sayna vi du auseebsht ivvah si.”

Jeremia 17:10

“Ich, da Hah, gukk in's hatz un broviah di gedanka; ich gebb em mann vass zu eem heaht, bei vi eah laybt un vass eah dutt.”