Psalm 67:1 - Pennsylvania Dutch Bible

¹ Gott sei gnaydich zu uns un sayken uns, mach sei ksicht uf uns sheina. (Sela)

Psalm 67:1 Referans Kwoze

Psalm 4:6

Feel leit sawwa, “Veah kann uns goodi sacha sayna lossa?” Loss di helling funn dei ksicht uf uns falla, oh Hah.

2. Korinther 4:6

Fa Gott, deah vo's licht kaysa hott fa sheina aus em dunkla, hott in unsah hatza ksheind fa uns es licht gevva funn di hallichkeit funn Gott im ksicht funn Jesus Christus.

Psalm 4:1

Gebb andvat zu miah vann ich roof, oh Gott funn mei gerechtichkeit. Du hosht miah drohsht gevva in meim angsht. Sei gnaydich zu miah un heich mich ab in meim gebayt.

Psalm 119:135

Loss dei ksicht uf dei gnecht sheina, un lann dei gebodda zu miah.

Psalm 31:16

Loss di helling funn dei ksicht uf dei gnecht sheina; deich dei shtandhaftichi-leevi, helf miah

Psalm 80:19

Mach uns vass miah voahra, oh Hah, Almechtichah Gott; loss es licht funn dei ksicht uf uns sheina, so es miah kolfa sei kenna.

Psalm 80:7

Mach uns vass miah voahra, oh Almechtichah Gott, un loss es licht funn dei ksicht uf uns sheina, so es miah kolfa sei kenna.

Epheser 1:3

Glohbt sei Gott un da Faddah funn unsahm Hah Jesus Christus, deah vo uns ksaykend hott in Christus mitt alli geishtlichi sayya in himlishi bletz.

2. Korinther 13:14

Di gnawt fumm Hah Jesus Christus, di leevi funn Gott, un di gmeinshaft fumm Heilicha Geisht sei mitt eich awl. Amen.

Psalm 28:9

Helf dei leit un sayken dei eahbshaft; sei iahra shohf-heedah un drawk si ayvichlich.

5. Mosi 21:8

Fagebb dei leit, di Kinnah-Israel, es du saylich gmacht hosht, oh Hah, un layk nett di shuld funn unshuldich bloot uf dei leit.” Un di shuld fumm fagossa bloot zayld no fagevva sei.

Psalm 6:1

Oh Hah, zank mich nett in deim zann; shtrohf mich nett vann du bays bisht.

Psalm 76:1

Gott is bekand in Juda, un in Israel is sei nohma uf kohva.