Psalm 62:10 - Pennsylvania Dutch Bible

¹⁰ Falosset eich nett uf rawves, un doond eiyah fadrauwa nett in kshtohla shtoft. Vann diah reich vaddet, setzet eiyah hatza nett uf sell.

Psalm 62:10 Referans Kwoze

Psalm 52:7

“Gukket moll, dess is da mann es sich nett falossa hott uf Gott fa fechta fa een, avvah eah hott gedraut in sei grohsi reichheit, un is shteik vadda deich anri nunnah reisa.”

1. Timotheus 6:17

Lann selli vo reich sinn in deahra veld fa nett grohs-feelich sei, un fa iahra hofning nett in dee fagenglichi reichheit du, avvah in Gott, deah vo uns reichlich alles gebt fa unsah blesiah.

Jeremia 17:11

En mann es uneahlich reich vatt, is vi en fokkel es oiyah raus breet unni si layya. In di mitt funn sei layva, falost sei geld een un am end is eah yusht vi en unksheidah.

1. Timotheus 6:10

Fa da lusht funn geld is en vatzel funn alles eviles. Deich dee falanga sinn dayl vekk gloffa fumm glawva un henn iahra hatza deich kshtohsa mitt feel shmatza.

Jesoiya 61:8

“Ich binn da Hah, un gleich es leit iahra recht greeya, ich hass shtayles fa brand-opfah macha. Ich zayl shtandhaftich sei mitt iahra lohn, un mach en ayvich bund mitt eena.

Markus 10:23

Jesus hott um sich rumm gegukt, no hott eah ksawt zu sei yingah, “Vi hatt zayld's doch sei fa reichi leit in Gott sei Kaynich-Reich kumma?”

Jesoiya 30:12

Fasell, sawkt da Heilich funn Israel: “Veil diah dess vatt nunnah gedrayt hend, un falosset eich uf leit nunnah dredda un fafiahres,

Psalm 49:6

selli es sich falossa uf iahra geld, un braekka vi reich es si sinn?

Hiob 20:29

Dess is em gottlohsa mensh sei lohn funn Gott, sei eahbshaft es eem gevva is bei Gott.”

Hiob 20:19

Eah hott di oahma nunnah gedredda un si falossa, eah hott heisah gnumma es eah nett gebaut hott.

Jesoiya 59:4

Nimmand is eahlich veyyich leit iahra recht, un nimmand bringd sei ayya sach eahlich foah. Si falossa sich uf leit fashtatzt macha un uf leeya, si shteahra mitt druvvel un enda mitt sinda.

Jesoiya 47:10

Du hosht dich uf dei ungettlichkeit falossa, un hosht ksawt, ‘Nimmand saynd mich.’ Dei veisheit un lanning henn dich fafiaht, un du hosht ksawt in deim hatz, ‘Ich binn, un's is nimmand vi mich.’

Shpricha 23:5

Vann du dei awwa uf reichheit setsht, uf aymol is es fatt, fa's grikt geviss flikkel, un fleekt noch em himmel vi en awdlah.

Psalm 91:14

“Veil eah mich leeb hott, dann zayl ich een frei macha,” sawkt da Hah; “veil eah mei nohma vayst, dann zayl ich een heeda.

Psalm 39:6

Da mensh lawft rumm heah es vi en shadda, un macht sich unaydichah druvvel, eah sammeld feel geld, un vayst nett veah's greeya zayld.

Jesoiya 28:15

Diah hend ksawt, “Miah henn en bund gmacht mitt em doht, un mitt em grawb. Vann si moll gans ivvahraus uf uns lohs gayn, dann zayld's uns fafayla, fa miah henn di leek un falshheit unsah fashtekkel-blatz gmacht.”

Jeremia 13:25

Dess is dei lohn, es dayl es ich diah ausgmessa habb,” sawkt da Hah. “Veil du mich fagessa hosht, un dei fadrauwa in falshi gettah gedu hosht.

Psalm 4:3

Avvah fagess nett es da Hah da gettlich mensh raus ksetzt hott fa sich selvaht. Da Hah heaht vann ich een ohroof.

Jesoiya 40:15

Geviss, di heida sinn gacht vi en drobb in en aymah, si sinn fanumma es vi shtawb uf en vohk; eah veekt di islands vi feinah shtawb.

Jesoiya 40:17

Fannich eem sinn awl di heida vi nix, eah nemd si fa nix veaht sei, un vennichah es nix.