Psalm 58:2 - Pennsylvania Dutch Bible

² Nay, in eiyah hatza shaffet diah ungerechtichkeit; uf di eaht doon eiyah hend evil shaffa mitt gvald.

Psalm 58:2 Referans Kwoze

Psalm 94:20

Du kansht nett aynich sei mitt en uneahlichah richtah-shtool— aynah es letzi ksetza aus shprecht.

Jesoiya 10:1

Vay zu selli es unrechti ksetza macha, zu selli es unrechti gebodda uf shreiva,

Maleachi 3:15

So nau sawwa miah di shtolsa leit sinn ksaykend. Di gottlohsa doon nett yusht zu nemma, avvah si broviahra Gott aus un kumma vekk mitt.’”

Ezekiel 22:27

Iahra evvahshti in di shtatt sinn vi velf am iahra kfangani diahra fareisa; si fageesa bloot un bringa leit um es si uneahlich geld macha kenna.

Ezekiel 22:12

Dayl funn dei mennah vadda geld kshenkt fa bloot fageesa; du nemsht zu feel indressa, tsheahtsht dei nochbah zu feel un hosht mich gans fagessa, sawkt da Awlmechtich Hah.

Jesoiya 26:7

Da vayk funn di gerechta is ayva, du machsht di pawt funn di gerechta grawt.

Breddichah 3:16

Un ich habb aw ebbes shunsht ksenna unnich di sunn: Im blatz funn gerichtes, voah ungettlichkeit, un im blatz vo leit iahra recht grikt henn, voah ungerechtichkeit.

Psalm 21:11

Si henn im sinn fa evil du geyyich dich, un henn en shkeem ufkokt, avvah's zayld nett shaffa.

Psalm 82:1

Gott nemd sei blatz in di grohs fasamling, un is richtah unnich di gettah.