Psalm 56:1 - Pennsylvania Dutch Bible

¹ Sei miah gnaydich, oh Gott, fa mennah shtamba uf mich; si dredda uf mich da gans dawk lang.

Psalm 56:1 Referans Kwoze

1. Samuel 29:4

Avvah di hauptmennah funn di Philishtah voahra zannich mitt eem un henn ksawt, “Shikk da mann zrikk, so es eah zrikk gayt an da blatz es du eem gevva hosht. Eah soll nett mitt uns in da Greek gay, adda eah drayt sich geyyich uns diveil es miah am fechta sinn. Vee bessah kend eah viddah kfellich vadda zu sei meishtah, es vi bei di kebb nemma funn unsah aykni mennah?

Psalm 59:1

Mach mich frei funn mei feinda, oh Gott, un hald mich vekk funn selli es sich uf shtella geyyich mich.

Psalm 31:9

Sei gnaydich zu miah, oh Hah, fa's is miah angsht; mei awwa sinn matt funn heila, mei leib un sayl sinn aw.

Psalm 16:1

Hald mich aus di kfoah, oh Gott; ich du mei fadrauwa in dich.

Psalm 60:1

Oh Gott, du hosht uns vekk kshtohsa un fashtroit; du voahsht bays mitt uns, nau du uns viddah drayshta.

Psalm 27:2

Vann evil-shaffah uf mich kumma fa mich fareisa, vann mei feinda un selli es mich hassa, geyyich mich kumma, dann zayla si shtolbahra un anna falla.

1. Korinther 15:54

So vann dess vo fafaula kann moll sich ohgezowwa hott mitt demm vo nett fafaula kann, un vann dess vo shtauva kann moll sich ohgezowwa hott mitt demm vo nimmi shtauva kann, no kumd's voah vass kshrivva is, “Da doht is uf kshlukt vadda bei demm vo di ivvah-hand hott.”

Hosea 8:8

Israel is uf kshlukt bei di heida, see vatt rumm gedrawwa bei eena, vi en shtikk ksha es nimmand vill.

Glawk-Leedah 2:16

Awl dei feinda macha iahra meilah uf, grohs uf geyyich dich; si shpodda un beisa iahra zay zammah; si sawwa, “Miah henn see zammah grissa, dess is da dawk es miah gvoaht henn difoah. Nau henn miah glaybt fa's sayna.”

Glawk-Leedah 2:5

Da Hah is vadda vi en feind, un hott Israel nunnah gebrocha. Eah hott awl iahra kaynich-heisah zammah grissa un iahra feshti bletz fadauva. Eah hott feel yammahres un leides gebrocht zu di Dochtah Juda.

Glawk-Leedah 2:2

Da Hah hott awl di haymeda fumm Jakob zammah grissa unni bamhatzichkeit. In sei zann hott eah di feshta bletz funn di Dochtah Juda nunnah gebrocha. Eah hott iahra kaynich-reich un feddahshti runnah uf da bodda gebrocht in shohm.

Shpricha 1:12

vella si levendich shlukka vi da doht dutt, vella si gans shlukka vi's grawb dutt;

Psalm 143:12

In dei shtandhaftichi-leevi bring mei feinda zu nix; un bring selli um es mei sayl angsht macha, fa ich binn dei gnecht.

Psalm 136:15

avvah eah hott da Pharao un sei greeks-gnechta in da say kshmissa, fa sei shtandhaftichi-leevi bleibt ayvichlich;

Psalm 136:10

deah es di Egyptah iahra eahsht-geboahrani kshlauwa hott, fa sei shtandhaftichi-leevi bleibt ayvichlich;

Psalm 124:3

dann hedda si uns levendich uf kshlukt, vo iahra zann gebrend hott geyyich uns;

Psalm 58:1

Shvetzet diah vass recht is in di voahheit, diah mechtichi? Richtet diah di mensha in gerechtichkeit?

Psalm 35:25

Loss si nett denka, “Aha, grawt vass miah henn vella!” adda sawwa, “Miah henn een uf kshlukt.”

Psalm 21:9

Du machsht si vi en feiyahrichah offa vann du dich moll veisht. In seim zann zayld da Hah si ufshlukka; un feiyah brend si uf.

Psalm 106:17

No hott di eaht sich uf gmacht un hott da Dathan kshlukt, si hott da Abiram un sei drubb zu gedekt.

Psalm 59:10

Mei Gott in sei grohsi leevi kumd zu miah, Gott lost mich mitt ivvah-hand uf mei feinda gukka.