Psalm 52:5 - Pennsylvania Dutch Bible

⁵ Avvah Gott zayld dich nunnah brecha fa'immah: Eah zayld dich uf nemma un dich vekk reisa funn deim tent; eah nemd dei vatzla aus em land funn di levendicha. (Sela)

Psalm 52:5 Referans Kwoze

Shpricha 2:22

Avvah di gottlohsa zayla abkshnidda sei fumm land, un di unshtandhafticha zayla raus gezowwa sei bei di vatzla.

Psalm 27:13

Ich glawb avvah doch es ich sayna zayl vi goot es da Hah is im land funn di levendicha.

Di Offenbarung 21:8

Avvah di feichbutzicha, un unglawvicha, un grauslicha, un doht-shlayyah, un huahrah, un hexah, un abgott-deenah un awl di leeyah zayla iahra dayl havva im say es brend mitt feiyah un shvevvel. Dess is da zvett doht.”

Jesoiya 38:11

Ich habb ksawt, “Ich zayl da Hah nett viddah sayna, da Hah, in demm land funn di levendicha; nimmi lengah zayl ich mensha sayna, adda bei selli sei es in dee veld layva.

Jesoiya 22:19

Ich nemm dei eahvet vekk funn diah, dei hohchah blatz vatt vekk gnumma funn diah.’

Shpricha 19:9

Sellah es falshi zeiya gebt, zayld nett unkshtrohft gay, un sellah es leeya sawkt kumd um.

Shpricha 19:5

En falshah zeiyah zayld nett unkshtrohft gay, un sellah es leeya sawkt zayld nett frei gay.

Shpricha 12:19

Leftz es di voahret sawwa, bleiva fa'immah, avvah en zung es leekt, shtayt nett lang.

Psalm 116:9

so es ich nau fannich em Hah lawfa kann, im land funn di levendicha.

Psalm 55:23

Avvah du, oh Gott, zaylsht di gottlohsa in's deefsht grawb shtohsa. Bloot-fageesah un falshi mennah zayla nett dihelft funn iahra dawwa auslayva. Ich avvah, du mei fadrauwa in dich.

Hiob 18:14

Da sayf roo funn seim tent vatt eem vekk gnumma, un eah vatt zumm kaynich funn angsht gnumma.