Psalm 50:16 - Pennsylvania Dutch Bible

¹⁶ Avvah zu di gottlohsa, sawkt Gott, “Vass fa en recht hosht du fa mei gebodda ausshprecha, adda fa mei bund in dei maul du?

Psalm 50:16 Referans Kwoze

Jesoiya 29:13

No sawkt da Hah, “Dee leit kumma nayksht zu miah mitt iahra maul, un gevva eah zu miah mitt iahra leftz, avvah iahra hatza sinn veit vekk funn miah. Si deena mich yusht mitt mensha-gebodda, es si ausvennich lanna.

Psalm 25:14

Da Hah is da freind funn selli es een firchta; eah veist sei bund zu eena.

2. Petrus 2:15

Si henn da recht vayk falossa un henn sich faloahra. Si sinn am vayk nohch gay fumm Bileam, em Beor sei sohn, deah vo da lohn funn ungerechtichkeit geglicha hott.

Hebräer 8:9

Dess zayld nett sei vi's bund es ich gmacht habb mitt iahra foah-feddah uf em dawk vo ich si gnumma habb bei di hand fa si aus em land funn Egypta fiahra. Fa si henn nett ohkalda in meim bund, so habb ich si fa'acht, sawkt da Hah.

Johannes 4:24

Gott is Geisht, un dee vo een ohbayda, missa een ohbayda im Geisht un in di voahheit.”

Shpricha 26:7

En shpruch im maul fumm unksheida, is vi en gribbel sei bay es lummahrich henka.

1. Korinther 9:27

Ich mach mich meishtah funn meim leib un mach's mei gnecht, so es vann ich moll gebreddicht habb zu anri, binn ich selvaht nett ayns funn sella es zrikk kshmissa vatt.

Ezekiel 18:27

Avvah vann en gottlohsah mann vekk drayt funn di ungettlichkeit es eah gedu hott un dutt vass recht un goot is, dann hald eah sei layva.

Jesoiya 48:22

“Avvah fa di gottlohsa, hott's kenn fridda,” sawkt da Hah.