Psalm 48:8 - Pennsylvania Dutch Bible

⁸ Vi miah keaht henn, so henn miah ksenna in di shtatt fumm Awlmechticha Hah, in di shtatt funn unsah Gott. Gott macht di shtatt shtandhaftich shtay fa'immah. (Sela)

Psalm 48:8 Referans Kwoze

Psalm 87:5

Un veyyich Zion vatt's ksawt, “Deah un sellah voah datt geboahra, un da Alli-Haychsht selvaht baut di shtatt uf.”

Matthäus 16:18

Ich sawk diah, du bisht da Petrus, un uf demm felsa bau ich mei gmay, un di doahra funn di hell kenna di gmay nett ivvah-kumma.

Micha 4:1

In di letshta dawwa avvah, vatt da berg vo da tempel shtayt ufgebaut. Eah vatt da evvahsht unnich awl di berga, un di leit funn anri lendah kumma bei zu eem.

Psalm 46:5

Gott is in di mitt funn di shtatt, un see zayld nett falla, Gott zayld iahra helfa free meiyets.

Jesoiya 2:2

Es zayld zu kumma in di letshta dawwa, es da berg vo da tempel fumm Hah druff shtayt, da feddahsht sei zayld unnich awl di berga; eah zayld uf kohva sei ovvich awl di hivla, un awl di heida zayla datt anna lawfa.

Jesoiya 38:19

Es sinn di levendicha es dich danka, so vi ich du heit; da faddah sawkt sei kinnah veyyich dei shtandhaftichkeit.

1. Kaynicha 22:49

An selli zeit hott da Ahasia, em Ahab sei boo, ksawt zumm Josaphat, “Loss mei mennah mitt dei mennah gay in di shiffah.” Avvah da Josaphat hott nett vella.

Ezekiel 27:26

Dei boat paeddel-gnechta henn dich naus in da say gezowwa. Avvah da east vind hott dich in shtikkah fabrocha, draus in di mitt fumm say.