Psalm 47:6 - Pennsylvania Dutch Bible

⁶ Singet lohb zu Gott, singet lohb. Singet lohb zu unsah Kaynich, singet lohb.

Psalm 47:6 Referans Kwoze

Matthäus 25:34

No sawkt da Kaynich zu selli uf sei rechtsi seit, ‘Kummet, diah ksaykendi funn meim Faddah, diah sellet's reich eahva vass grisht voah fa eich siddah em ohfang funn di veld.

Psalm 68:4

Singet zu Gott, singet lohb zu sei nohma; singet en leet zu demm es uf di volka foaht. Sei nohma is Hah; froiyet eich fannich eem.

Jesoiya 33:22

Fa da Hah is unsah richtah, da Hah is unsah meishtah; da Hah is unsah kaynich es is een es uns helft.

Psalm 145:1

Ich vill dich uf hayva, mei Gott un Kaynich, un dei nohma lohva fa'immah un immah.

Matthäus 27:37

Un ovvich sei kobb henn si kshrivva favass es eah gegreitzicht is vadda. Es hott glaysa, “DESS IS JESUS, DA KAYNICH FUNN DI YUDDA.”

1. Chronik 16:9

Singet zu eem, yau, singet un preiset een; sawwet veyyich awl sei vundahboahri verka!

Psalm 89:18

Unsah shield heaht zumm Hah, un unsah kaynich zumm Heilicha Gott in Israel.

1. Chronik 29:20

No hott da Dawfit ksawt zu di gans fasamling, “Lohvet da Hah, eiyah Gott.” No henn si awl da Hah, da Gott funn iahra foah-feddah glohbt. Si henn sich gebikt un sinn nunnah kfalla fannich da Hah un da kaynich.

Sacharia 9:9

Froiyet eich oahrich, diah leit funn Zion! Greishet laut, diah leit funn Jerusalem! Gukket, eiyah kaynich is am zu eich kumma; eah is gerecht un hott saylichkeit, is daymeedich, un is am reida uf en donkey, sell is, uf en hutsh aus en donkey.

2. Mosi 15:21

Un di Miriam hott ksunga zu eena: “Singet zumm Hah, fa eah is hohch uf kohva. Da gaul un sei reidah hott eah in da say kshmissa.”

1. Chronik 15:28

So hott gans Israel di Bundes-Lawt fumm Hah ruff gebrocht mitt en grohsi yacht, am greisha un am blohs-hanna blohsa es gmacht voahra aus shohf-bekk hanna, un anri blohs-hanna, mitt cymbals un grohsi un glenni harfa.