Psalm 43:1 - Pennsylvania Dutch Bible

¹ Shaff's aus fa mei recht, oh Gott, un nemm mei sacha uf geyyich en ungettlich folk, mach mich frei funn zvay-ksichtichi un falshi mensha.

Psalm 43:1 Referans Kwoze

Psalm 35:1

Sei geyyich selli, oh Hah, es geyyich mich sinn; fecht geyyich selli es geyyich mich fechta.

Psalm 26:1

Shaff's recht aus fa mich, oh Hah, fa ich habb en unshuldich layva kfiaht, un ich habb mei hofning in dich gedu unni zveifla.

Psalm 7:8

Da Hah richt di mensha. Richt mich, oh Hah, noch mei gerechtichkeit un unshuld.

Psalm 35:24

Richt mich, oh Hah mei Gott, noch dei gerechtichkeit, un loss si nett sich froiya ivvah mich.

1. Samuel 24:15

Loss da Hah unsah richtah sei un richta zvishich miah un diah. Loss een mei sacha nohch-sucha, un mei recht uf hayva un mich aus di kfoah funn dei hand nemma.”

Psalm 71:4

Mach mich frei, oh mei Gott, aus di hand funn di ungettlicha, aus di hand funn evili un gottlohsi mennah.

Psalm 5:6

Du bringsht selli um es leeya; da Hah hast bloot-fageesah un uneahlichi mennah.

Micha 7:9

Ich zayl em Hah sei zann drawwa veil ich ksindicht habb geyyich een. Ich drawk sei zann biss eah mei sach ausfiaht, un miah mei recht ausshaft. Eah zayld mich raus in di helling bringa, un ich zayl sei gerechtichkeit sayna.

1. Petrus 2:23

Vo si veesht kshvetzt henn zu eem, hott eah nett veesht zrikk kshvetzt; vo eah glidda hott, hott eah nett gedroit fa ayva vadda, avvah eah hott sich ivvah-gevva zu sellem vo recht richta dutt.

1. Korinther 4:4

Ich vays nix es geyyich mich is, avvah sell is nett vass mich gerecht macht. Es is da Hah vo mich richta dutt.

Shpricha 23:11

fa da Hah, es iahra Beishtand is, is shteik; eah shtayt uf fa si geyyich dich.

Shpricha 22:23

fa da Hah zayld ufshtay fa si, un nemd's goot layva vekk funn selli es iahra recht vekk nemma.

Psalm 75:7

Avvah's is Gott es richta dutt: Eah bringd aynah nunnah un haybt da annah uf.

2. Samuel 16:20

Da Absalom hott no ksawt zumm Ahithophel, “Gebb uns dei roht. Vass sedda miah nau du?”

2. Samuel 15:31

Da Dawfit voah ksawt gvest es da Ahithophel im bund voah mitt em Absalom, so hott da Dawfit gebayda un ksawt, “Oh Hah, dray em Ahithophel sei roht zu dumhayda.”

2. Samuel 18:8

Si voahra ivvahrawlich am fechta un di kfoah fun im bush sei hott may doht gmacht sellah dawk es es shvatt.

Psalm 7:7

Loss di leit sich fasamla um dich rumm, un rool ivvah si funn drovva in di hay.

Psalm 7:9

Mach di ungerechtichkeit funn di gottlohsa shtobba, avvah mach di gerechta shtandhaftich. Du bisht en gerechtah Gott, un broviahsht di hatza un gedanka.

Psalm 54:3

Shtolsi leit henn sich ufkshteld geyyich mich; unfashtendlichi mennah vella mei layva nemma; si henn Gott nett fannich sich ksetzt. (Sela)

Psalm 140:5

Shtolsi mennah henn en fall ksetzt fa mich, si henn en net ausnannah glaykt, un henn si ufketzt am vayk nohch. (Sela)