Psalm 42:3 - Pennsylvania Dutch Bible

³ Mei awwa-vassah is mei ess-sach dawk un nacht, diveil es leit sawwa da gans dawk lang, “Vo is dei Gott?”

Psalm 42:3 Referans Kwoze

Psalm 79:10

Favass sedda di heida sawwa, “Vo is iahra Gott?” Fannich unsah awwa, loss es gvissa vadda unnich di heida, es du zrikk betzawlsht fa's fagossa bloot funn dei gnechta.

Psalm 115:2

Favass doon di heida frohwa, “Vo is iahra Gott?”

Joel 2:17

Loss di preeshtah, em Hah sei deenah, heila kshvissich di tempel-poahtsh un em awldah. Loss si sawwa, “Sei bamhatzich zu dei leit, oh Hah; loss dei eahbshaft nett fashohmd sei, so es di heida si fashpodda. Favass sedda si sawwa unnich di leit, ‘Vo is iahra Gott?’”

Psalm 102:9

Ich ess esh vi broht, un awwa-vassah is in mei drinkes.

Psalm 80:5

Du hosht si kfeedaht mitt's broht funn awwa-vassah, un si gedrenkt mitt awwa-vassah bei di bowlfoll.

Psalm 42:10

'S dutt miah vay gans nei zu di gnocha, vi mei feinda mich fashpodda, un dawk noch dawk sawwa si, “Vo is dei Gott?”

Micha 7:10

No zayla mei feinda dess sayna, un shohm kumd ivvah see es ksawt hott zu miah, “Vo is da Hah dei Gott?” Mei awwa zayla see sayna diveil es see nunnah gedredda vatt, vi im drekk funn di shtrohsa.

Psalm 79:12

Betzawl zrikk in di shohsa funn unsah nochbahra sivva mohl so feel shohm es si dich fashohmd henn mitt, oh Hah.

Psalm 22:8

“Eah hott sich falossa uf da Hah; loss da Hah kumma een hohla. Loss da Hah kumma een frei macha, siddah es eah em Hah kfellich voah.”

Psalm 3:2

Feel sawwa veyyich miah, “Gott zayld eem nett helfa.” (Sela)

2. Samuel 16:12

Fleicht saynd da Hah mei aylend un betzawld mich zrikk mitt goodes fa's fafluches es ich am greeya binn heit.”

2. Mosi 23:17

Drei moll's yoah sella awl dei mansleit fannich da Hah Gottes kumma.

5. Mosi 5:26

Vass fa en nadiahlichah mensh hott selayva da levendich Gott keaht shvetza aus em feiyah vi miah henn, un hott alsnoch ohkalda layva?

Psalm 63:2

Ich habb dich ksenna im tempel, un habb dei macht un hallichkeit ksenna.

Psalm 84:3

Even di shpatz hott en haymet kfunna, un di shvalma en nesht fa iahra yungi, en blatz nayksht an deim awldah, oh Almechtichah Hah, mei Kaynich un mei Gott.

Psalm 143:6

Ich shtrekk mei hend naus zu diah, mei sayl is dashtich fa dich es vi en drukka land. (Sela)