Psalm 4:2 - Pennsylvania Dutch Bible

² Oh diah mennah, vi lang zayld mei eah in shohm gedrayt vadda? Vi lang lohvet diah leahri vadda un gaynd leeya nohch? (Sela)

Psalm 4:2 Referans Kwoze

Shpricha 1:22

“Diah dummi leit, vi lang vellet diah dumm bleiva, vi lang zayla shpoddah gleicha ohhalda shpodda, un vi lang zayla di unksheida eisicht hassa?

Hosea 4:7

Vi may preeshtah es es voahra, vi may es si ksindicht henn geyyich mich; ich mach iahra hallichkeit zu shohm.

Psalm 3:3

Avvah du bisht en shield um mich rumm, oh Hah, du gebsht miah eah un haybsht mei kobb uf.

Jeremia 2:11

Henn di heida selayva iahra gettah fahandeld, even vann si kenn gettah sinn? Doch mei leit henn iahra hallichkeit fahandeld fa abgettah es eena nett helfa kenna.

Psalm 106:20

Si henn di hallichkeit funn iahra Gott fahandeld fa en gleichnis funn en ox es graws frest.

Psalm 5:6

Du bringsht selli um es leeya; da Hah hast bloot-fageesah un uneahlichi mennah.

Epheser 4:25

Fasell doond di unvoahret vekk funn eich un sawwet yusht di voahret zu nannah, fa miah sinn awl daylah funn-nannah.

Breddichah 8:11

Vann di shtrohf fa en evil ding nett kshvind ausgedrawwa vatt, dann vadda di hatza funn mensha folshtendich ksetzt fa evil du.

1. Samuel 12:21

Drayyet nett vekk un gaynd abgettah nohch. Si kenna nix goodes du fa eich, un kenna eich nett frei macha, veil si nix veaht sinn.

Jona 2:8

Dee vo sich ufhalda mitt leahri gettah, falossa di gnawt vo iahra sei kend.

Jeremia 9:3

“Si beeya iahra zunga vi en bow; iahra leeya un di unvoahret henn's land ivvah-gnumma. Si gayn funn ay evil ding zumm nekshta, avvah mich doon si nett achta.” So sawkt da Hah.

Jesoiya 59:4

Nimmand is eahlich veyyich leit iahra recht, un nimmand bringd sei ayya sach eahlich foah. Si falossa sich uf leit fashtatzt macha un uf leeya, si shteahra mitt druvvel un enda mitt sinda.

Jesoiya 45:17

Avvah Israel zayld frei gmacht sei beim Hah, dess zayld en ayvichi frei-shtelling sei. Du zaylsht nee nimmi fashohmd adda gedaymeedicht vadda deich di gans ayvichkeit.

Jesoiya 20:5

Selli es iahra fadrauwa in Kush un Egypta gedu henn zayla sich no feicha un shemma.

Psalm 63:11

Avvah da kaynich zayld sich froiya in Gott, selli es shveahra bei eem zayla een preisa, avvah di meilah funn leeyah vadda shtill gmacht.

Psalm 58:3

Di gottlohsa gayn letz fumm dawk es si geboahra sinn; funn muddahs-leib gayn si letz un sawwa leeya.

Psalm 58:1

Shvetzet diah vass recht is in di voahheit, diah mechtichi? Richtet diah di mensha in gerechtichkeit?

Psalm 57:4

Ich lei mitt mei sayl unnich vildi layb, selli es mensha-kinnah fressa. Iahra zay sinn shpiahs un arrows, un iahra zunga shaufi shvadda.

Psalm 31:6

Ich hass selli es sich ufhalda mitt gettah es nix veaht sinn, avvah ich du mei fadrauwa in da Hah.

Psalm 14:6

Diah fashohmet di oahma iahra roht, avvah da Hah hald si aus di kfoah.

Psalm 2:1

Favass sinn di heida in en ufruah, un di leit am shkeema fa nix?

Breddichah 9:3

Dess is es evil ding in alles es ohgayt unnich di sunn; sell is, es es gleicha end zayld zu alli-ebbah kumma. Un di hatza funn mensha sinn foll evil un unfashtand diveil es si levendich sinn, un shpaydah missa si shtauva.

Psalm 72:2

So es eah dei leit richta dutt mitt gerechtichkeit, un feah is zu dei oahmi.

4. Mosi 14:11

Un da Hah hott ksawt zumm Mosi, “Vee lang zayla dee leit mich fa'eiyahra? Vee lang zayla si's nett du fa an mich glawva, noch awl di zaycha es ich gedu habb unnich eena?

2. Mosi 10:3

Da Mosi un da Aaron sinn no zumm Pharao ganga un henn ksawt zu eem, “Dess is vass da Hah, da Gott funn di Hebrayah sawkt, ‘Vee lang shteibahsht du dich fa dich daymeedich macha fannich miah? Loss mei leit gay, so es si mich deena kenna.

1. Korinther 1:31

So dann, grawt vi's kshrivva is, “Deah vo sich mayna vill, loss een sich mayna veyyich em Hah.”

Jeremia 2:5

Dess is vass da Hah sawkt: “Vass fa faylah henn eiyah feddah kfunna in miah, es si so veit vekk ganga sinn funn miah? Si sinn abgettah nohch gloffa es nix veaht voahra, un sinn selvaht nix veaht vadda.

Psalm 50:15

Roof zu miah vann druvvel kumd, ich mach dich frei, un du zaylsht mich fagleahra.”

Di Apostelgeschichte 24:9

Di Yudda voahra awl aynich es es grawt voah vi da Tertullus ksawt hott.