Psalm 39:1 - Pennsylvania Dutch Bible

¹ Ich habb miah dess foah-gnumma: Ich zayl mei vayya heeda, so es ich nett sindich mitt mei zung. Ich hald mei maul shtill, so lang es di ungettlicha um mich rumm sinn.

Psalm 39:1 Referans Kwoze

Shpricha 21:23

Veah sei maul un zung vatsht, hald sich aus druvvel.

Psalm 141:3

Setz en heedah ivvah mei maul, oh Hah, vatsh ivvah di deah funn mei leftz.

Jakobus 1:26

Vann ennich ebbah unnich eich maynd eah dayt Gott deena, un hald sei zung nett gezohmd, fafiaht eah sei ayya hatz, un sei Gottes-deensht is leah.

Psalm 119:9

Vi kann en yungah mann sei vayk sauvah halda? Bei layva vi dei vatt sawkt.

Psalm 34:13

Hald dei zung funn evil, un dei leftz funn leeya sawwa.

Hebräer 2:1

Fasell missa miah may acht havva fa dess vass miah keaht henn, so es miah nett vekk lawfa difunn.

Shpricha 18:21

Da doht un's layva sinn in di gvald funn di zung, un selli es gleicha shvetza, missa di frucht funn iahra kshvetz essa.

1. Kaynicha 2:4

Du dess so es da Hah sei vatt hald es eah fashprocha hott zu miah; naymlich, ‘Vann dei boova acht gevva vi si layva un shtandhaftich fannich miah lawfa mitt iahra gans hatz un sayl, dann zayld immah ayns funn dei nohch-kummashaft uf em kaynich-shtool funn Israel sei.’

Kolosser 4:5

Lawfet in veisheit geyyich di ausahra, un machet's mensht funn eiyah zeit.

Psalm 12:4

un sawkt, “Mitt unsah zung greeya miah vass miah vella; miah aykna unsah leftz, veah kann ivvah uns sei?”

Psalm 62:1

Mei sayl is shtill un voaht yusht laynich uf Gott; funn eem kumd mei saylichkeit.

Hiob 2:10

Eah hott ksawt zu iahra, “Du shvetsht vi di dumma veibsleit shvetza. Sedda miah goodi sacha ohnemma funn Gott un nett shlechti?” Deich awl dess hott da Hiob nett ksindicht mitt sei leftz.

Psalm 77:1

Ich roof zu Gott mitt mei shtimm fa hilf, zu Gott roof ich, un eah heaht mich.

2. Kaynicha 10:31

Avvah doch, da Jehu hott nett's ksetz fumm Hah, da Gott funn Israel, pinklich kalda mitt seim gans hatz. Eah is nett vekk gedrayt funn di sinda fumm Jerobeam, sellah es Israel gmacht hott sindicha.

Amos 5:13

Fasell dutt da shmeaht mann nix sawwa an so en zeit, fa di zeida sinn evil.

1. Chronik 16:41

Bei eena voah da Heman un da Jedithun, un aw di anra es groofa voahra un es gnohmd voahra. Si voahra datt fa da Hah danka veil sei shtandhaftichi-leevi ayvichlich is.