Psalm 37:29 - Pennsylvania Dutch Bible

²⁹ Di gerechta zayla's land eahva, un drinn voona fa'immah.

Psalm 37:29 Referans Kwoze

Shpricha 2:21

Fa di ufrichticha zayla im land layva, un di unshuldicha zayla drinn bleiva.

Psalm 37:9

Fa di gottlohsa vadda abkshnidda, avvah selli es voahra uf da Hah, zayla's land eahva.

2. Petrus 3:13

Avvah miah sinn am voahra uf neiyi himla un en neiyi eaht vass eah fashprocha hott, un vo gerechtichkeit drinn voond.

Di Offenbarung 21:7

Deah vo alles ivvah-kumd zayld alli sacha eahva. Ich zayl sei Gott sei, un eah zayld mei sohn sei.

Psalm 37:18

Da Hah vayst veyyich di dawwa funn di unshuldicha, un iahra eahbshaft bleibt fa'immah.

Psalm 37:11

Di daymeedicha zayla's land eahva, un zayla sich froiya mitt en grohsah fridda.

5. Mosi 30:20

Lohvet da Hah eiyah Gott, heichet sei shtimm ab un henket oh zu eem. Da Hah gebt eich layva, un eah lost eich lang layva im land es eah kshvoahra hott fa gevva zu eiyah foah-feddah, da Abraham, da Isaac un da Jakob.

Psalm 37:27

Dray fumm evila un du goot, no zaylsht du immah im land voona.

5. Mosi 5:33

Lawfet in alli vayya grawt vi da Hah eiyah Gott eich gebodda hott so es diah layva kennet; un so es es goot gayt fa eich un es diah lang layvet im land es diah ivvah-nemma zaylet.

Psalm 25:13

Da Hah saykend een mitt en goot layva, sei nohch-kummashaft zayld's land eahva.

Jesoiya 57:13

Vann du roofsht fa hilf, dann loss awl dei abgettah diah helfa! Da vind zayld si awl fatt drawwa, en glennah ohften blohst si vekk. Avvah da mensh es in mich draut, zayld's land aykna, un mei heilichah berg eahva.”

Jesoiya 60:21

No zayla awl dei leit gerecht sei, un si zayla's land aykna fa'immah. Si sinn da blansa es ich geblanst habb, di eahvet funn mei hend, so es ich fagleaht va.