Psalm 33:15 - Pennsylvania Dutch Bible

¹⁵ Eah macht awl iahra hatza, un eah fashtayt alles es si doon.

Psalm 33:15 Referans Kwoze

Jeremia 32:19

Du gebsht roht mitt veisheit un dusht mechtichi sacha. Du saynsht alles es mensha doon, un du bezawlsht si fa vass si fadeena in iahra vayya un fa vass si doon.

Psalm 44:21

dayt Gott dess nett ausfinna? Fa eah vayst alles es im hatz is.

Hosea 7:2

Avvah si denka nett droh es ich awl iahra ungettlichkeit meinda zayl. Iahra sinda sinn gans um si rumm, un si sinn immah fannich miah.

1. Korinther 4:5

Fasell, richtet nix eb's zeit is. Voahdet biss da Hah kumd. Eah zayld alles aus em dunkla raus in di helling bringa, un zayld leit iahra hatza un gedanka abdekka. An selli zeit grikt alli-ebbah lohb funn Gott vass zu eem heaht.

Di Apostelgeschichte 17:26

Eah hott funn ay bloot awl di sadda leit un kshlechtah gmacht es uf di gans eaht voona. Eah hott di zeida ksetzt, un hott foah-ksetzt grawt vo si voona sella,

Jesoiya 64:8

Doch, oh Hah, du bisht unsah Faddah. Miah sinn da clay, un du bisht da heffa-machah; awl funn uns sinn di eahvet funn dei hand.

Breddichah 7:29

Doch habb ich dess kfunna: Gott hott mensha ufrichtich gmacht, avvah si sucha fa iahra ayknah vayk ausshaffa.”

Shpricha 27:19

Vi du dei ksicht sayna kansht in vassah, so kansht du dich selvaht sayna in deim hatz.

Shpricha 24:12

Du mechsht sawwa, “Gukk moll, miah henn nix gvist veyyich demm,” avvah dutt nett sellah es es hatz veekt sell vissa? Dutt nett sellah es vatsht ivvah dei sayl dess vissa? Dutt eah nett alli mann zrikk betzawla fa vass eah dutt?

Shpricha 22:2

Di reicha un di oahma sinn gleicha in ay ding; da Hah hott si awl gmacht.

Hiob 11:11

Eah vayst vann leit falsh sinn, un vann eah evil saynd, nemd eah nett acht difunn?

Hiob 10:8

Dei hend henn mich zammah gedu un mich gmacht, draysht du nau rumm un fadaubsht mich?

Jeremia 16:17

Mei awwa sayna alles es si am du sinn. Nix is fashtekkeld funn miah. Iahra sinda sinn nett zu gedekt fannich mei awwa.