Psalm 30:6 - Pennsylvania Dutch Bible

⁶ Vo sacha goot ganga sinn fa mich, havvich ksawt, “Ich zayl nee nett ivvah-kumma sei.”

Psalm 30:6 Referans Kwoze

Psalm 119:117

Mach mich shteik, so es ich frei gmacht binn, un dei gebodda immah uf hayva kann.

2. Korinther 12:7

Es voah en dann in mei flaysh gedu, so es ich mich nett selvaht zu hohch uf hayb deich di himlishi sacha vo Gott miah gvissa hott. Dee dann voah em Satan sei engel vo kshikt voah fa mich blohwa so es ich mich nett zu hohch uf hayb.

Lukas 12:19

Un ich sawk no zu mei sayl, Leevi Sayl, du hosht genunk sach zammah ksammeld fa en mannich yoah; nau nemm's easy; ess, drink un sei fraylich.’

Psalm 16:8

Ich setz da Hah immah fannich mich. Veil eah an mei rechtsi hand bleibt, dann fall ich nee nett vekk.

Daniel 4:30

No hott eah ksawt, “Gukk moll an dess grohs Babylon es ich gebaut habb fa mei kaynich haymet. Ich habb dess gebaut mitt mei mechtichi graft, un fa mei aykni eah un hallichkeit.”

Jesoiya 56:12

Yaydahs funn eena greisht, “Kummet, vella vei greeya! Vella uns foll saufa! Meiya zayld sei vi heit, adda even bessah.”

Jesoiya 47:7

Du hosht ksawt, ‘Ich zayl immah di kaynich-fraw sei!’ Avvah du hosht dee sacha nett ivvah-gedenkt, adda fanna naus gegukt vass blatz nemma kend.

Psalm 15:5

Eah laynd sei geld naus unni indressa, un nemd kenn geld hinna rumm fa shvetza geyyich di unshuldicha. Veah-evvah es dee sacha dutt zayld nee nett vekk falla.

Psalm 10:6

Eah sawkt zu sich selvaht, “Nix shlechtes kumd zu miah. Ich zayl mich immah froiya un kenn druvvel havva.”

Psalm 126:6

Sellah es naus gayt am heila, un drawkt sei sohma fa sayya, zayld viddah zrikk kumma am singa mitt frayt, un zayld sei shayb mitt sich bringa.

Jesoiya 54:7

“Fa en glenni zeit habb ich dich falossa, avvah mitt grohsi leevi bring ich dich zrikk.