Psalm 28:1 - Pennsylvania Dutch Bible

¹ Vann ich roof zu diah, oh Hah, mei Felsa, dray nett en dawb oah zu miah; fa vann du shtill bleibsht, dann vatt ich vi selli es nunnah in's grawb gayn.

Psalm 28:1 Referans Kwoze

Psalm 143:7

Gebb miah kshvind andvat, oh Hah, mei geisht hott kenn hofning. Fashtekkel dei ksicht nett funn miah, adda ich va vi selli es nunnah in's grawb gayn.

Psalm 18:2

Da Hah is vi en felsa un en shteik greeks-haus zu miah. Eah macht mich frei. Mei Gott is vi en felsa es ich hinna droh shtay kann unni kfoah. Eah is mei shield un's greftich hann funn mei saylichkeit, mei shteikah helfah.

Shpricha 1:12

vella si levendich shlukka vi da doht dutt, vella si gans shlukka vi's grawb dutt;

Psalm 83:1

Oh Gott, hald nett oh ruich sei; bleib nett shtill un ruich, oh Gott.

Di Offenbarung 20:3

Eah hott een in da brunna kshmissa es kenn bodda hott, un hott'n zu kshlossa un's kseald ivvah een, so es eah di leit in alli lendah nimmi fafiahra kann biss di dausend yoah ivvah sinn. Noch sellem muss eah frei gmacht sei fa en katzi zeit.

Jesoiya 26:4

Falosset eich uf da Hah fa'immah, fa Gott da Hah is en ayvichah Felsa.

Hiob 33:28

Eah hott mei sayl frei-kshteld funn nunnah in's grawb gay, mei layva zayld's licht sayna.’

Jesoiya 38:18

Fa's grawb kann dich nett danka, un da doht kann dich nett preisa, un selli es nunnah in's grawb gayn, henn kenn hofning fa dei shtandhaftichkeit.

Psalm 35:22

Du hosht dess ksenna, oh Hah, sei nett shtill diveyya; bleib nett veit vekk funn miah, oh Hah.

Psalm 30:9

Vass goot is es vann ich shtaub, un vann ich nunnah in's grawb gay? Kann da shtawb dich danka, un kann eah dei shtandhaftichkeit breddicha?

Psalm 22:2

Oh mei Gott, ich roof deich da dawk, avvah du gebsht kenn andvat, un deich di nacht, avvah ich finn kenn roo.

Psalm 3:4

Ich roof zumm Hah mitt mei shtimm, un eah heaht mich funn seim heilicha hivvel. (Sela)

Psalm 77:1

Ich roof zu Gott mitt mei shtimm fa hilf, zu Gott roof ich, un eah heaht mich.

Psalm 69:15

Loss nett dess grohs vassah ivvah mich kumma; un loss mich nett fasaufa im deefa, un loss aw nett's loch sei maul zu macha ivvah mich.

Psalm 5:2

Heich mich zu diah roofa fa hilf, mei Kaynich un mei Gott; zu diah doon ich bayda.

Psalm 142:1

Ich roof zumm Hah mitt mei shtimm; mitt mei shtimm bitt ich da Hah fa bamhatzichkeit.

Psalm 39:12

Heich mei gebayt ab, oh Hah, un nemm acht funn meim geroof fa hilf, sei nett dawb vann ich am heila binn. Fa ich binn vi en fremdah bei diah, en fremdah, so vi awl mei foah-feddah voahra.

Psalm 42:9

Ich sawk zu Gott, mei Grohsah Felsa, “Favass hosht du mich fagessa? Favass muss ich rumm heah gay am veina un nunnah gedredda sei bei mei feinda?”

Psalm 30:4

Singet lohb zumm Hah, diah saylichi, un preiset sei heilichah nohma.

Psalm 142:2

Ich leah mei beglawk aus fannich eem, fannich eem sawk ich awl mei druvvel.