Psalm 25:16 - Pennsylvania Dutch Bible

¹⁶ Dray dich zu miah, un sei gnaydich zu miah, fa ich binn laynich un fafolkt.

Psalm 25:16 Referans Kwoze

Psalm 86:16

Dray dich zu miah un sei bamhatzich zu miah; gebb dei graft zu deim gnecht, un helf demm sohn funn dei mawt.

Micha 7:19

Du zaylsht viddah gnaydich sei zu uns un dusht unsah sinda unnich dei fees, du shmeisht unsah ivvah-dreddes in da deef say.

Daniel 9:17

Nau, unsah Gott, heich di gebaydah ab funn dei gnecht un sell es eah frohkt difoah. Fa dei sayk, oh Hah, sei gnaydich un loss dei ksicht uf da tempel sheina es nunnah grissa is.

Psalm 143:4

Fasell is mei geisht shvach in miah, mei hatz in miah hott moot faloahra.

Psalm 60:1

Oh Gott, du hosht uns vekk kshtohsa un fashtroit; du voahsht bays mitt uns, nau du uns viddah drayshta.

Psalm 32:5

No habb ich mei sinda bekend zu diah, un habb mei shulda nett zu gedekt. Ich habb ksawt, “Ich bekenn mei ivvah-dreddes zumm Hah,” un du hosht di shuld funn mei sinda vekk gnumma. (Sela)

Psalm 86:1

Heich mich ab, oh Hah, un gebb miah andvat, fa ich binn oahm un in noht.

Psalm 109:22

Fa ich binn oahm un habb grohsi noht, mei hatz dutt vay in miah.

Psalm 119:132

Dray dich zu miah un sei gnaydich zu miah, so vi du dusht zu awl selli es dich leeb henn.