Psalm 23:1 - Pennsylvania Dutch Bible

¹ Da Hah is mei shohf-heedah, ich habb goah kenn noht.

Psalm 23:1 Referans Kwoze

Philipper 4:19

Mei Gott zayld eich alles gevva es diah brauchet aus sei reichheit in di hallichkeit deich Christus Jesus.

Johannes 10:11

Ich binn da goot shohf-heedah. Da goot shohf-heedah gebt sei layva fa di shohf.

Jesoiya 40:11

Vi en shohf-heedah, gebt eah acht uf di drubb, eah geddaht di lemmah in sei eahm, un drawkt si in sei shohs; eah fiaht selli mitt yungi shloh.

Johannes 10:14

Ich binn da goot shohf-heedah. Ich kenn dee vo mei sinn, un si kenna mich,

Di Offenbarung 7:17

Fa's Lamm in di mitt fumm kaynich-shtool zayld si heeda, un zayld si zu levendichi vassah-shpringa fiahra. Un Gott zayld awl's awwa-vassah funn iahra awwa butza.”

Matthäus 6:33

Bekimmahret eich seahsht veyyich em Reich-Gottes un sei gerechtichkeit. No zayla diah aw awl dee anri sacha havva.

1. Petrus 2:25

Fa diah voahret vi shohf es sich faloahra henn, avvah nau sind diah zrikk kumma zumm shohf-heedah un bishof funn eiyah sayla.

1. Petrus 5:4

No vann da Evvahsht Shohf-Heedah sich moll veist, dann greeyet diah en hallichah krohn es nee nett ufheaht sheina.

Psalm 84:11

Fa Gott da Hah is en sunn un en shield; da Hah gebt gnawt un hallichkeit. Eah haybt nix goodes zrikk funn selli es ufrichtich lawfa.

Römer 8:32

Deah vo sei ayknah Sohn nett zrikk kalda hott, avvah hott een ivvah-gevva fa uns awl, zayld eah nett alles shenka zu uns mitt eem?

Hebräer 13:20

Nau mawk da Gott funn fridda, deah vo deich's bloot fumm ayvicha bund unsah Hah Jesus, sellah grohs Shohf-Heedah, zrikk gebrocht hott funn di dohda,

Micha 5:4

Eah zayld uf shtay un sei leit fiahra in di graft fumm Hah, in di macht fumm nohma fumm Hah, sei Gott. No zayla si aus di kfoah layva, veil eah hohch gacht sei zayld biss an's end funn di eaht.

Psalm 78:52

Avvah eah hott sei aykni leit raus kfiaht vi shohf, un is eena foah-ganga in di vildahnis.

Jeremia 31:10

Heichet's vatt fumm Hah ab, diah heida; breddichet's veit ab am say nohch un sawwet, ‘Sellah es Israel ausnannah kshtroit hott, zayld si viddah zammah samla, un ivvah sei drubb vatsha vi en shohf-heedah.’

Psalm 79:13

No doon miah, dei leit un di shohf funn dei vayt, dich ayvichlich danka, un miah preisa dich fa'immah un immah.

Micha 5:2

“Avvah du, Bethlehem Ephratha, du bisht glay unnich di shtett fumm land Juda, doch aus diah zayld aynah raus kumma fa mich es Israel roola zayld. Sei ausgang voah funn vay zrikk, funn zrikk in di ayvichkeit.”

Psalm 34:11

Kummet, mei kinnah, heichet mich ab; ich lann eich fa da Hah firchta.

Ezekiel 34:14

Ich feedah si in goodi vayt, un iahra vayt-lendah zayla drovva uf di hohchi berga funn Israel sei. Si zayla sich anna layya in goodi vayt-lendah, un sich feedra in di gree vayt drovva uf di berga funn Israel.