Psalm 2:4 - Pennsylvania Dutch Bible

⁴ Avvah Deah vo im himmel voond lacht; da Hah shpott ivvah si.

Psalm 2:4 Referans Kwoze

Psalm 37:13

Avvah da Hah lacht ivvah di gottlohsa, veil eah saynd es iahra dawk am kumma is.

Psalm 59:8

Avvah du lachsht ivvah si, oh Hah, du fashpotsht awl di heida.

Jesoiya 40:22

Eah hokt ovvich em ring funn di eaht, un di leit uf di eaht sinn vi hoi-shrekka. Eah shtrekt da himmel aus vi en curtain, vi en tent es leit drinn voona.

Shpricha 1:26

So zayl ich lacha vann diah in druvvel sind, un ich zayl shpodda vann angsht eich ivvah-nemd.

Psalm 11:4

Da Hah is in sei heilichah tempel; em Hah sei kaynich-shtool is im himmel. Sei awwa sayna, mitt sei awwa uf broviaht eah di kinnah funn mensha aus.

Jesoiya 57:15

Dess is vass da Hohch un Heilich Gott sawkt— deah es ayvich laybt un es da nohma “Heilich” hott: “Ich voon in en hohchah un heilichah blatz, un aw mitt selli es bekeaht un daymeedich im geisht sinn, so es ich da geisht greftich macha kann funn selli es daymeedich sinn, un's hatz funn selli es bekeaht sinn.

Psalm 115:3

Unsah Gott is im himmel, eah dutt ennich ebbes es eah vill.

Psalm 53:5

Datt zayla si in grohsi furcht sei, vo nix is zu feicha diveyya. Gott zayld di gnocha funn di ungettlicha fashtroiya, si zayla fashohmd sei, veil Gott si vekk kshtohsa hott.

Jesoiya 66:1

Dess is vass da Hah sawkt: “Da himmel is mei kaynich-shtool, un di eaht is mei foos-bank. So vass fa en haus kennet diah bauwa fa mich? Vass fa en blatz soll ich drinn roowa?

Psalm 68:33

zu demm es deich di himla foaht, dee himla es datt voahra fumm ohfang. Eah shvetzt mitt en mechtichi shtimm.

2. Kaynicha 19:21

Dess is es vatt es da Hah ksawt hott geyyich een: ‘Es leddich maydel, di Dochtah funn Zion, fa'acht un fashpott dich. Di Dochtah funn Jerusalem shiddeld iahra kobb hinnich diah in shpott.

Psalm 59:9

Mei Grohsi Graft, dich vill ich achta, fa du bisht mei sayfah Roo-Blatz.

Psalm 123:1

Ich hayb mei awwa nuff zu diah, zu diah es uf em kaynich-shtool hokt im himmel.