Psalm 19:8 - Pennsylvania Dutch Bible

⁸ Em Hah sei befayla sinn recht, un macha's hatz froh. Di gebodda fumm Hah sinn pyuah, un gevva licht zu di awwa.

Psalm 19:8 Referans Kwoze

Psalm 12:6

Di vadda fumm Hah sinn pyuah, vi silvah kshmolsa in en eahdichah offa, sivva mohl greinicht.

Psalm 119:105

Dei vatt is en licht zu mei fees, un helling fa mei pawt.

Jeremia 15:16

Dei vadda voahra kfunna, un ich habb si gessa, dei vadda sinn mei frayt un da drohsht funn meim hatz, fa ich binn kaysa bei deim nohma, oh Hah Awlmechtichah Gott.

Shpricha 30:5

Alli vatt funn Gott is voah; eah is en shield zu selli es eem drauwa.

Psalm 119:128

Un fasell lawf ich pinklich noch dei adnunga, un ich hass alli falshah vayk.

Shpricha 2:6

Fa da Hah gebt veisheit; funn seim maul kumd eisicht un gawb fa sacha fashtay.

Psalm 119:92

Vann dei ksetz nett mei drohsht gvest veah, dann veah ich kshtauva in mei aylend.

Psalm 119:80

Loss mei hatz unshuldich sei in dei gebodda, so es ich mich nett shemma muss.

Shpricha 6:23

Fa dee gebodda sinn en licht, es ksetz is helling, un di famohninga fa recht do sinn da vayk fumm layva.

Römer 7:22

Ich habb grohsi frayt im Ksetz funn Gott in meim innahlichah mensh.

Galater 2:19

Fa deich's Ksetz binn ich kshtauva zumm Ksetz, so es ich layva kann fa Gott.

Römer 3:20

Fasell, kann nimmand gerecht gmacht sei fannich eem bei di sacha du im Ksetz. Fa deich's Ksetz kumd di eisicht funn sinda.

Römer 7:7

Vass sella miah dann sawwa? Is es Ksetz sindlich? Ich dayt moll nett denka! Ich hett nett gvist vass sind veah unni es deich's Ksetz. Ich hett nix gvist funn lusht, vann's Ksetz nett ksawt hett, “Du solsht nett lushta.”

Psalm 119:16

Ich habb frayt in dei gebodda, un zayl dei vatt nett fagessa.

Psalm 119:14

Ich froi mich ivvah da vayk funn dei zeiknissa, may es fa oahrich reich sei.

Ezekiel 36:27

Ich zayl mei Geisht in eich du un mach es diah mei gebodda nohch lawfet un mei ksetz halda doond.

Psalm 119:171

Mei leftz zayla diah lohb gevva, veil du mich dei gebodda lansht.

Psalm 119:143

Angsht un druvvel sinn ivvah mich kumma, avvah dei gebodda bringa miah frayt.

Psalm 119:130

Vann dei vatt fashtanna vatt, gebt's licht, un's gebt eisicht zu selli es nett fashtayn.

Psalm 119:121

Ich du vass gerechtich un recht is, dray mich nett ivvah zu selli es mich nunnah dredda vella.

Psalm 119:40

Gukk moll, ich habb en falanga fa dei adnunga, gebb miah layva in dei gerechtichkeit.

Psalm 119:12

Glohbt bisht du, oh Hah, lann mich dei gebodda.

Psalm 105:45

so es si sei gebodda halda sella, un du vass sei ksetza sawwa. Halleluja!

Psalm 40:8

Ich froi mich fa dei villa du, oh mei Gott, dei Ksetz is in meim hatz.”

Psalm 13:3

Gukk an mich un gebb miah andvat, oh Hah, mei Gott. Bring's licht zrikk in mei awwa, so es ich nett da shlohf fumm doht shlohf;

2. Mosi 18:16

Vann si shtreit henn dann kumma si zu miah, un ich richt zvishich en mann un sei nochbah, un ich mach Gott sei gebodda un ksetza bekand zu eena.”

1. Mosi 26:5

veil da Abraham miah keicht hott, veil eah gedu hott vass ich een kaysa habb un veil eah mei gebodda, villa un ksetz kalda hott.”

Galater 3:21

Is es Ksetz dann geyyich dess vass Gott fashprecht? Ich dayt moll nett denka! Fa vann en Ksetz gevva gvest veah es layva gevva hett kenna, dann veah gerechtichkeit voahhaftich gevva vadda deich's Ksetz.

Jesoiya 64:5

Du kumsht zu selli es fraylich sinn am gerechtichkeit du, un es an dei vayya denka. Avvah du voahsht bays vo miah ohkalda henn sindicha, so vi sella miah saylich vadda?

Psalm 119:54

Dei gebodda sinn mei leet, vo-evvah es ich mei haymet mach.

Psalm 119:24

Ich habb frayt mitt dei zeiknisa, si sinn mei roht-gevvah.

Nehemia 9:13

Du bisht runnah kumma uf da Berg Sinai, un hosht kshvetzt zu eena fumm himmel. Du hosht eena adninga un ksetza gevva es recht un voah sinn, richtes un gebodda es goot sinn.

Nehemia 8:12

No sinn awl di leit vekk ganga fa ess-sach essa un drinka un dayl difunn ausdayla. Si henn en fraylich grohs essa gmacht veil si di vadda fashtanna henn es ausglaykt voahra zu eena.

5. Mosi 16:14

Diah sellet fraylich sei diveil es diah dess fesht haldet, diah, eiyah boova un mayt, eiyah gnechta un mawda, di Lefiddah, di ausahra, selli unni eldra un di vitt-veivah in eiyah shtett.

5. Mosi 16:11

Diah sellet fraylich sei fannich em Hah eiyah Gott, diah, eiyah boova un mayt, eiyah gnechta un mawda, di Lefiddah in eiyah shtett, di ausahra, selli unni eldra un di vitt-veivah unnich eich. Dess soll gedu sei am blatz es da Hah eiyah Gott raus layst, datt vo diah sei nohma deena sellet.

2. Kaynicha 17:37

Diah misset immah acht gevva un di adninga, di zeiknisa, di ksetza un di gebodda halda es eah ufkshrivva hott fa eich. Doond kenn anri gettah firchta.

Psalm 93:5

Dei Vatt shtayt fesht ayvichlich; hallichkeit is ivvah dei haus, oh Hah, fa'immah.

Psalm 111:7

Di eahvet funn sei hend is shtandhaftich un recht, awl sei gebodda kenna gedraut sei.