Psalm 19:12 - Pennsylvania Dutch Bible

¹² Veah kann sei aykni faylah sayna? Fagebb miah di sinda es fashtekkeld sinn zu miah.

Psalm 19:12 Referans Kwoze

Psalm 90:8

Du hosht unsah sinda fannich dich ksetzt, un unsah fashtekkeldi sinda raus fannich dei ksicht gedu.

Hiob 6:24

Lannet mich, no binn ich shtill, veiset miah vo ich letz gedu habb.

Jeremia 17:9

Es hatz is fafiahrich ovvich alles shunsht un oahrich veesht. Veah kann's fashtay?

Psalm 40:12

So feel evil es nett gezayld sei kann is um mich rumm; mei sinda henn mich ivvah-gnumma, un ich kann nett sayna. Si sinn may es di hoah uf meim kobb, un mei hatz hott moot faloahra.

1. Korinther 4:4

Ich vays nix es geyyich mich is, avvah sell is nett vass mich gerecht macht. Es is da Hah vo mich richta dutt.

1. Johannes 1:7

Avvah vann miah im licht lawfa vi eah im licht is, dann henn miah gmeinshaft mitt-nannah, un's bloot funn Jesus Christus, sei Sohn, macht uns sauvah funn alli sinda.

Hebräer 9:7

Avvah im zvedda dayl is yusht da hohchen-preeshtah laynich nei ganga ay mohl's yoah. Eah is nee nett nei ganga unni bloot, dess vass eah gopfaht hott fa sich selvaht un fa di sinda funn di leit es si unfahoft gedu henn.

Psalm 139:6

So eisicht is zu vundahboah un zu hohch fa mich, ich kann dess nett begreifa.

Jesoiya 64:6

Awl funn uns sinn vadda vi selli es unrein sinn; awl unsah gerechti verka sinn vi drekkichi lumba, miah favelka vi bleddah un unsah sinda drawwa uns vekk vi da vind.

Psalm 139:2

Du vaysht's vann ich mich anna hokk, un vann ich uf shtay; du vaysht mei gedanka funn veit ab.

Psalm 51:2

Vesh mich funn awl mei shulda, un mach mich sauvah funn mei sind.

Psalm 65:3

Unsah sinda henn uns nunnah gedrikt, avvah du fagebsht unsah ivvah-dreddes.

2. Mosi 24:12

Da Hah hott no ksawt zumm Mosi, “Kumm ruff zu miah uf em berg un bleib do. Ich gebb diah di shtay-shreives mitt em Ksetz un di gebodda es ich kshrivva habb fa si lanna.”

5. Mosi 5:29

Oh, vann si yusht immah so feela dayda mitt furcht im hatz un awl mei gebodda halda iahra layva lang, so es es goot gay dayt mitt eena un iahra nohch-kummashaft fa'immah!

5. Mosi 5:32

So nau gevvet acht es diah grawt doond vi da Hah eiyah Gott eich gebodda hott. Doond nett uf di rechts seit adda di lings seit drayya.

Shpricha 13:13

Veah's vatt fa'acht, bringd sich selvaht zu nix, avvah veah's gebott fircht, grikt en fadeensht.