Psalm 18:21 - Pennsylvania Dutch Bible

²¹ Ich habb da vayk fumm Hah kalda, un habb nett letz gedu bei vekk drayya fumm meim Gott.

Psalm 18:21 Referans Kwoze

Psalm 119:102

Ich habb mich nett vekk gedrayt funn dei adnunga, fa du selvaht hosht mich gland.

1. Johannes 2:19

Si sinn funn uns naus ganga avvah si voahra nett funn uns; fa vann si funn uns gvest veahra, dann veahra si bei uns geblivva. Avvah si sinn funn uns naus ganga, un dess veist es si nett awl funn uns sinn.

Di Apostelgeschichte 24:16

Mitt dee hofning doon ich mei besht fa mei gans layva fiahra mitt en sauvah gvissa fannich Gott un di mensha.

Shpricha 8:32

Nau dann, mei kinnah, heichet mich ab, ksaykend sinn selli es mei vayya halda.

Psalm 26:1

Shaff's recht aus fa mich, oh Hah, fa ich habb en unshuldich layva kfiaht, un ich habb mei hofning in dich gedu unni zveifla.

1. Thessalonicher 2:10

Diah sind unsah zeiya, un so is Gott, vi heilich un gerecht un unshuldich es miah voahra unnich eich vo glawvich sind.

Psalm 17:4

So veit es di verka funn mensha oh gayn, havvich kenn evil gedu mitt gvald, bei's vatt funn dei leftz halda.

2. Chronik 34:33

Da Josia hott awl di grausama abgettah vekk gedu in di lendah es zu di Kinnah-Israel keaht henn, un hott awl selli in Israel gmacht da Hah iahra Gott deena. So lang es eah glaybt hott henn si nett ufkeaht em Hah, da Gott funn iahra foah-feddah, nohch gay.

1. Samuel 15:11

Eah hott ksawt, “Es shpeit mich es ich da Saul kaynich gmacht habb, veil eah sich vekk gedrayt hott funn miah un hott nett gedu vi ich eem ksawt habb.” Da Samuel voah bedreebt un hott di gans nacht zumm Hah groofa.

2. Chronik 20:32

Eah is gloffa in di vayya funn seim daett da Asa un is nett vekk gloffa difunn; eah hott gedu vass recht voah im Hah sei awwa.

Psalm 7:9

Mach di ungerechtichkeit funn di gottlohsa shtobba, avvah mach di gerechta shtandhaftich. Du bisht en gerechtah Gott, un broviahsht di hatza un gedanka.

Daniel 6:23

No voah da kaynich oahrich froh, un hott ksawt si sella da Daniel ruff aus em loch zeeya. So voah da Daniel ruff aus em loch gezowwa, un's voah kenn shawda kfunna an eem veil eah sei fadrauwa in Gott gedu katt hott.