Psalm 17:14 - Pennsylvania Dutch Bible

¹⁴ Mitt dei hand, oh Hah, hald mich funn sohwichi mennah; funn veldlichi mennah es iahra dayl greeya in demm layva. Du filsht iahra bauch mitt vass du ufkshtoaht hosht fa si; un gebsht iahra kinnah aw genunk, un losht samm ivvahrich fa iahra kinds-kinnah.

Psalm 17:14 Referans Kwoze

Hiob 22:18

Doch hott eah iahra heisah kfild mitt goodi sacha, avvah ich fashtay da roht funn di gottlohsa nett.

Johannes 17:14

Ich habb eena dei Vatt gevva, un di veld hott si kast veil si nett funn di veld sinn, grawt vi ich nett funn di veld binn.

Johannes 15:19

Vann diah funn di veld veahret, dayt di veld eich leeva. Avvah veil diah nett funn di veld sind, un ich habb eich aus di veld groofa, fasell dutt di veld eich hassa.

Johannes 8:23

Eah hott ksawt zu eena, “Diah sind funn do hunna, ich binn funn ovva-heah. Diah sind funn dee veld, ich binn nett funn dee veld.

Lukas 16:25

Avvah da Abraham hott ksawt, ‘Mei sohn, denk droh es in dei layves-zeit hosht du awl di goodi sacha katt un da Lazarus awl di shlechta. Nau is eah gedraysht un du bisht am leida un deich macha.

Lukas 16:8

Da meishtah hott goot kshvetzt veyyich em uneahlich haus-haldah veil eah veisheit gvissa hott; fa di veldlichi leit es zu du henn mitt iahra aykni leit henn may veisheit veyyich demm es dee vo's licht henn.

Jakobus 5:5

Diah hend uf di eaht glaybt in blesiah un sind eiyahm falusht nohch ganga. Diah hend eiyah hatza fett gmacht es vi im shlacht-dawk.

Psalm 73:12

Gukket, dess sinn di gottlohsa; si henn kenn druvvel in di veld un si vadda reich.

Psalm 39:6

Da mensh lawft rumm heah es vi en shadda, un macht sich unaydichah druvvel, eah sammeld feel geld, un vayst nett veah's greeya zayld.

Hiob 21:21

Vass gevva si drumm vass es gebt mitt iahra kinnah noch eena, vann moll awl di moonada es eena gevva voahra abkshnidda sinn.

Hiob 12:9

Vels funn selli doon nett vissa es di hand fumm Hah dess gedu hott?

Hiob 12:6

Di tents funn rawvah un doht-shlayyah bleiva shtay unni shawda, un nimmand dutt ebbes zu selli es Gott fa'eiyahra; avvah Gott hald si unnich sei aykni hand.

Matthäus 13:44

“Es Himmel-Reich is vi geld es fashtekkeld voah imma feld un en mann kfunna hott un hott's zu gedekt. No in seinra grohsi frayt gayt eah un fakawft alles es eah hott un kawft sell feld.

Shpricha 2:4

un vann du sell suchsht es vi fa silvah, un guksht difoah es vi fa keshtlich fashtekkeld sach,