Psalm 16:7 - Pennsylvania Dutch Bible

⁷ Ich lohb da Hah es miah roht gebt, even deich di nacht dutt mei hatz mich lanna.

Psalm 16:7 Referans Kwoze

Psalm 73:24

Du fiahsht mich mitt deim roht, un shpaydah nemsht mich oh mitt hallichkeit.

Jesoiya 50:4

Gott da Hah hott miah di zung gevva funn selli es gland sinn, fa vissa vels vatt es selli helft es matt sinn. Eah vekt mich uf alli meiya, eah vekt mei oah uf fa heahra vi aynah es am lanna is.

Psalm 77:6

Ich meind noch vi ich als ksunga habb nachts, ich denk an dess im hatz, un mei geisht frohkt,

Psalm 17:3

Du hosht mei hatz ausbroviaht; du bisht zu miah kumma deich di nacht; du hosht mich broviaht un hosht nix kfunna. Ich habb ausgmacht es mei maul zayld nett sindicha.

Psalm 63:6

Vann ich an dich denk uf meim bett, dann bisht du uf mei meind deich di gans nacht.

Psalm 42:8

Deich da dawk shikt da Hah sei leevi, un deich di nacht sing ich en gebayt zumm Gott funn mei layva.

Jesoiya 48:17

Dess is vass da Hah, dei Frei-Shtellah, sellah es heilich is, sawkt: “Ich binn da Hah dei Gott, deah es dich land vass es besht is fa dich, deah es dich fiaht im vayk es du gay solsht.

Jesoiya 26:9

Mei sayl hott en falanga fa dich in di nacht, un mei geisht in miah dutt eahnshtlich sucha fa dich. Vann dei gerichta uf di eaht kumma, dann lanna di leit funn di veld gerechtichkeit.

Shpricha 8:14

Ich habb goodah roht un veisheit; ich habb eisicht un graft.

Psalm 119:55

In di nacht denk ich an dei nohma, oh Hah, un ich zayl dei ksetz halda.

Jeremia 17:10

“Ich, da Hah, gukk in's hatz un broviah di gedanka; ich gebb em mann vass zu eem heaht, bei vi eah laybt un vass eah dutt.”

Lukas 6:12

In selli dawwa is eah naus in di hivla ganga fa bayda, un eah hott di gans nacht gebayda zu Gott.

Di Offenbarung 2:23

Un ich shlakk awl iahra kinnah doht. No vissa awl di gmayna es ich sellah binn es di gedanka un hatza unnah-sucht, un ich gebb zu yaydah ebbah vass eah fadeend hott.

Psalm 119:7

Ich zayl dich danka mitt en ufrichtich hatz, vann ich di adnunga funn dei gerechtichkeit lann.

Psalm 119:148

Ich lei vakkah di gans nacht, fa ivvah dei vatt denka.

Psalm 77:2

Im dawk funn mei druvvel such ich da Hah; in di nacht is mei hand naus kshtrekt un vatt nett meet; mei sayl lost sich nett drayshta.

Psalm 22:2

Oh mei Gott, ich roof deich da dawk, avvah du gebsht kenn andvat, un deich di nacht, avvah ich finn kenn roo.

Jeremia 12:2

Du hosht si geblanst, un si sinn ausgvatzeld; si vaxa un bringa frucht. Du bisht uf iahra leftz, avvah bisht veit vekk funn iahra hatz.

Psalm 73:21

Vo's miah vay gedu hott im hatz, un ich innahlich kshtocha voah,