Psalm 144:4 - Pennsylvania Dutch Bible

⁴ Da mensh is vi en ohften, sei dawwa sinn vi en shadda es fagayt.

Psalm 144:4 Referans Kwoze

Psalm 102:11

Mei dawwa sinn vi da ohvet shadda, un ich fadatt vi graws.

Psalm 109:23

Ich binn am fagay vi en ohvet shadda, ich binn abkshiddeld vi en hoi-shrekk.

Hiob 8:9

fa miah voahra yusht geshtah geboahra un vissa nix, unsah dawwa uf di eaht sinn yusht en shadda.

Breddichah 12:8

“Awl dess hott kenn mayning,” sawkt da Breddichah. “Nix in layva hott mayning.”

2. Samuel 14:14

Miah missa awl shtauva; miah sinn vi vassah es uf da grund gleaht vatt un nett viddah zammah gegeddaht sei kann. Avvah Gott nemd nett layva vekk. In blatz funn sell macht eah en vayk so es sellah es fabodda is nett fabodda bleibt bei eem.

Breddichah 8:13

Un veil da ungettlich mensh Gott nett fircht, dann zayld's nett goot gay mitt eem, un sei dawwa zayla nett falengaht vadda vi en shadda.

Breddichah 1:14

Ich habb awl di sacha ksenna es gedu sinn unnich di sunn; si sinn awl unni mayning, so vi vann ma broviahra dayt da vind fanga.

Breddichah 1:2

“Nix in layva hott mayning, nix,” sawkt da Breddichah. “Goah nix hott mayning, alles is unni mayning.”

Psalm 89:47

Denk droh vi katz es mei layva is, du hosht awl mensha kshaffa fa nix.

Psalm 62:9

Niddah gachti mensha sinn yusht vi en ohften, hohch-gachti mensha sinn vi en leek; uf di vohk veeya si nix, alles zammah sinn si leichtah es en ohften.

Psalm 39:11

Du zanksht un shtrohfsht mensha fa iahra sinda, du fazeahsht vass keshtlich is zu eena vi en shawb. Yaydah mensh is goah nix, yusht so vi en ohften. (Sela)

1. Chronik 29:15

Miah sinn ausahri un fremdi fannich diah, grawt vi awl unsah foah-feddah voahra. Unsah dawwa uf di eaht sinn vi en shadda, unni hofning.

Hiob 4:19

vi feel may dutt eah's zu selli es gmacht sinn funn di eaht, zu selli es gegrund sinn im shtawb, un es kshvindah fadrikt sinn es en shawb!