Psalm 142:6 - Pennsylvania Dutch Bible

⁶ Heich mich oh, fa ich habb en grohsi noht. Mach mich frei funn selli es mich fafolka, fa si sinn zu shteik fa mich.

Psalm 142:6 Referans Kwoze

Psalm 79:8

Hayb di sinda funn unsah foah-feddah nett geyyich uns; loss dei bamhatzichkeit kshvind uf uns kumma, fa miah henn en grohsi noht.

Psalm 116:6

Da Hah heet selli es sich nett selvaht helfa kenna, vo ich shvach voah, hott eah miah kolfa.

Psalm 136:23

deah es uns nett fagessa hott vo miah nunnah gedredda voahra, fa sei shtandhaftichi-leevi bleibt ayvichlich;

Psalm 17:1

Heich mich ab, oh Hah, heich vann ich roof. Dray dei oah zu meim gebayt, es nett kumd funn uneahlichi leftz.

Römer 8:37

Avvah in awl dee sacha sinn miah may vi ivvah-kummah deich deah vo uns leeb hott.

Römer 8:33

Veah kann selli pshuldicha es Gott raus groofa hott? Gott selvaht is sellah vo leit gerecht macht.

Psalm 143:7

Gebb miah kshvind andvat, oh Hah, mei geisht hott kenn hofning. Fashtekkel dei ksicht nett funn miah, adda ich va vi selli es nunnah in's grawb gayn.

Psalm 59:3

Fa gukk moll, si leiya am voahra fa mei layva nemma; shteiki mennah fasamla sich zammah geyyich mich, avvah ich habb nix letzes gedu un habb nett ksindicht, oh Hah.

Psalm 38:19

Mei feinda sinn foll layva un sinn shteik, selli es mich hassa unni uahsach sinn feel.

Psalm 18:17

Eah hott mich frei ksetzt funn mei shteiki feinda un selli es mich kast henn, veil si zu shteik voahra fa mich.

Psalm 3:1

Oh Hah, vi feel sinn selli es mich hassa! Vi feel sinn selli es ufshtayn geyyich mich!

1. Samuel 24:14

Geyyich veah is da kaynich funn Israel raus kumma? Veah bisht du am nohch gay? En dohdah hund? En flay?

Psalm 143:3

Da feind is miah nohch kumma, eah hott mich nunnah in da bodda gedredda; eah hott mich gmacht im dunkla sei, vi selli es shund lang doht sinn.

Psalm 27:13

Ich glawb avvah doch es ich sayna zayl vi goot es da Hah is im land funn di levendicha.

Psalm 46:2

Fasell feicha miah uns nett, even vann di eaht unnah gayt, un vann di berga in di mitt funn da say falla;

Psalm 91:2

Ich zayl zumm Hah sawwa, “Du bisht mei sayfah Roo-Blatz, un mei shteik Greeks-Haus; du bisht mei Gott es ich drauwa du.”