Psalm 141:5 - Pennsylvania Dutch Bible

⁵ Loss en gerechtah mann mich freindlich shlauwa, un mich recht setza veil eah's goot maynd. Loss een mich zanka; es is vi ayl uf mei kobb leahra, un mei kobb soll sich nett veahra digeyya. Doch ich bayt di gans zeit geyyich di ungerechta iahra verka.

Psalm 141:5 Referans Kwoze

Breddichah 7:5

Es is bessah fa da zank ohnemma funn ebbah mitt veisheit, es vi fa abheicha zumm leet funn ebbah es kenn veisheit hott.

Di Offenbarung 3:19

Selli es ich leeb habb doon ich zanka un shtrohfa. So sei fleisich, dray rumm un du boos.

Galater 6:1

Leevi breedah, vann en mensh ivvah-gnumma vatt in en faylah, diah vo geishtlich sind sellet so aynah viddah zrikk helfa mitt en sanftmeedichah geisht. Avvah gevvet acht es diah nett aw fasucht vaddet.

Shpricha 25:12

En zank gevva zu en oah es heaht bei ebbah mitt veisheit, is vi en goldichah oahra-ring adda en goldich hals-band.

Shpricha 19:25

Gebb en shpoddah shlayk, no vadda selli shmeaht es nett kshvind fashtayn; setz en mann recht mitt goodah fashtand, un eah grikt eisicht.

Shpricha 15:5

En dummah mann nemd seim faddah sei shtrohf nett oh, avvah veah-evvah es sich lost recht ksetzt sei is shmeaht.

2. Chronik 25:16

Vo eah noch am shvetza voah, hott da kaynich ksawt zu eem, “Henn miah dich kfrohkt fa roht gevva zumm kaynich? Shtobb! Favass setsht du doht gmacht sei?” No hott da brofayt kshtobt, avvah eah hott ksawt, “Ich vays es Gott's im sinn hott fa dich folshtendlich fadauva veil du dess gedu hosht, un veil du mei roht nett abkeicht hosht.”

Shpricha 6:23

Fa dee gebodda sinn en licht, es ksetz is helling, un di famohninga fa recht do sinn da vayk fumm layva.

Psalm 125:4

Oh Hah, du goot zu selli es goot sinn, un zu selli es ufrichtich im hatz sinn.

Psalm 51:18

Deich dei gnawt du goot zu Zion; bau di mavvahra funn Jerusalem uf.

Psalm 23:5

Du risht en dish fa mich fannich mei feinda; du salbsht mei kobb mitt ayl. Mei kobli lawft ivvah.

Matthäus 5:44

Avvah ich sawk eich; diah sellet eiyah feinda leeva. Sayknet dee vo eich faflucha. Doond goodes zu dee vo eich hassa. Baydet fa dee vo eich fafolka un veesht yoosa,

Shpricha 15:22

Unni roht gayt sell letz vass ma im sinn hott fa du, avvah mitt feel roht shaft alles goot aus.

3. Mosi 19:17

Du solsht kenn hass halda in deim hatz geyyich ennich ebbah, avvah du daufsht dei nochbah recht setza, so es du kenn dayl hosht in sei shuld.

Shpricha 12:1

Ennich ebbah es eisicht leeb hott, gleicht recht ksetzt sei, avvah ennich ebbah es nett gleicht recht ksetzt sei is dumm.