Psalm 139:14 - Pennsylvania Dutch Bible

¹⁴ Ich gebb dank zu diah, veil ich furchtboah un vundahboahlich gmacht binn, dei verka sinn vundahboah, un dess vayst mei sayl goot.

Psalm 139:14 Referans Kwoze

Psalm 111:2

Grohs sinn di verka fumm Hah; veah-evvah es si ivvah denkt, froit sich ivvah si.

Psalm 104:24

Oh Hah, vi feel sinn dei verka, in dei veisheit hosht du si awl gmacht. Di eaht is foll mitt dei levendichi sacha.

Hiob 5:9

Eah dutt grohsi un unbegreiflichi sacha, vundahra es nett gezayld sei kenna.

Psalm 40:5

Feel, oh Hah mei Gott, sinn di vundahboahri sacha es du gedu hosht, un aw dei gedanka veyyich uns. 'Sis nimmand gleich zu diah. Vann ich dee sacha sawwa un fazayla vett, veahra si zu feel fa zayla.

Di Offenbarung 15:3

Si henn's leet fumm Mosi, Gott sei gnecht, ksunga, un's leet fumm Lamm, un henn ksawt, “Grohs un vundahboah sinn dei verka, oh Hah Gott, du Awlmechtichah. Gerecht un voahlich sinn dei vayya, du Kaynich funn di leit funn alli lendah.

Psalm 92:6

En unksheidah mensh vayst dess nett, un en dummah mensh fashtayt's nett,