Psalm 138:5 - Pennsylvania Dutch Bible

⁵ Si zayla singa veyyich di vayya fumm Hah, veil di hallichkeit fumm Hah so grohs is.

Psalm 138:5 Referans Kwoze

Di Offenbarung 4:11

“Du bisht's veaht, oh Hah, fa hallichkeit, eah un graft ohnemma, fa du hosht alli sacha kshaffa, un deich dei villa sinn si do un voahra kshaffa.”

Psalm 21:5

Sei hallichkeit is grohs deich dei hilf, du hosht eem hohchi kaynich-eah gevva.

Di Offenbarung 7:12

Si henn ksawt, “Amen! Lohb un hallichkeit un veisheit un dank un eah un graft un gvald sei zu unsah Gott fa immah un immah. Amen!”

Maleachi 1:11

Mei nohma is hallich unnich di heida, fumm blatz vo di sunn ufkumd biss vo see nunnah gayt. Ivvahrawlich vadda insens un reini opfahra gopfaht zu meim nohma, veil mei nohma hallich sei zayld unnich di heida,” sawkt da Awlmechtich Hah.

Di Offenbarung 19:1

Noch demm habb ich keaht vass glaut hott vi en grohsi shtimm funn en grohsi drubb im Himmel am sawwa, “Halleluja! Di saylichkeit, di eah, di hallichkeit un di graft heahra zumm Hah unsah Gott,

2. Mosi 15:11

Veah unnich di gettah is vi du, oh Hah? Veah is vi du, in mechtichi heilichkeit, in vundahboahri lohb un in vunnahrichi kshefta?

Epheser 1:12

so es miah, vo seahsht hofning katt henn in Christus, en lohb sei sedda zu sei hallichkeit.

2. Korinther 4:6

Fa Gott, deah vo's licht kaysa hott fa sheina aus em dunkla, hott in unsah hatza ksheind fa uns es licht gevva funn di hallichkeit funn Gott im ksicht funn Jesus Christus.

Johannes 17:1

Vo Jesus dee vadda ksawt katt hott, hott eah nuff noch em Himmel gegukt un hott ksawt, “Faddah, di shtund is do. Fakleah dei Sohn so es dei Sohn dich fagleahra kann.

Epheser 1:6

zumm lohb funn sei heilichi gnawt. Deich dee gnawt hott eah uns ohgnumma gmacht in seim leebshta.

Jesoiya 65:14

Mei gnechta zayla singa, veil iahra hatza fraylich sinn; avvah diah zaylet heila mitt en shveah hatz, un zaylet yammahra mitt en fabrochanah geisht.