Psalm 137:4 - Pennsylvania Dutch Bible

⁴ Vi kenna miah em Hah sei leet singa in en fremd land?

Psalm 137:4 Referans Kwoze

Amos 8:3

In sellem dawk,” sawkt da Awlmechtich Hah, “zayla di leedah im tempel zu heiles gedrayt vadda. Dohdi leit zayla ivvahrawlich sei; si zayla naus kshmissa vadda un alles vatt shtill!”

Hosea 9:4

Datt zayla si nett vei ausleahra fa en opfah macha zumm Hah, un iahra opfahra zayla eem nett kfellich sei. So opfahra zayla unrein sei, grawt vi's broht is fa selli es am heila sinn fa iahra dohdi, un alli-ebbah es est difunn vatt aw unrein. Dess ess-sach zayld sei fa si selvaht, es soll nett im Hah sei tempel kumma.

Jesoiya 22:12

Fasell hott da Hah, da Awlmechtich Hah, zu eich groofa an sellah dawk, fa heila un veina, fa eiyah hoah abshneida un sekk-glaydah veahra.

Jesoiya 49:21

No sawksht du in deim hatz, ‘Veah hott miah dee geboahra? Ich voah bedreebt un unfruchtboah, ich voah vekk gedrivva un nunnah gedrayt. Veah hott dee ufgezowwa? Ich voah gans laynich glost, vo sinn dee bei kumma?’”

Breddichah 3:4

En zeit fa heila, un en zeit fa lacha; en zeit fa veina, un en zeit fa dansa.