Psalm 133:1 - Pennsylvania Dutch Bible

¹ Gukket moll! Vi goot un shay es es is vann breedah bei-nannah voonah in aynichkeit.

Psalm 133:1 Referans Kwoze

1. Petrus 3:8

Un endlich, awl funn eich, seind aynich mitt-nannah, mitt-leidich fa nannah vi breedah sei sedda, un seind bamhatzich un freindlich unnich nannah.

1. Korinther 1:10

Ich famohn eich avvah, leevi breedah, deich da nohma funn Jesus Christus, unsah Hah, es diah awl zammah's saym ding sawwet. Losset nix unayniches sei unnich eich, avvah seind gans aynich in meind un gedanka.

Johannes 13:35

Alli-ebbah vayst es diah mei yingah sind vann diah nannah leevet.”

Hebräer 13:1

Haldet oh in breedahlichi leevi.

Johannes 17:21

so es si awl ayns sinn, grawt vi du, Faddah, in miah bisht, un ich in diah. So es si aw ayns in uns sei kenna, un es di veld glawva kann es du mich kshikt hosht.

Jeremia 32:39

Ich mach si ay vayk denka un ay vayk du so es si immah mich firchta fa iahra ayya goot un fa's goot funn iahra kinnah noch eena.

1. Mosi 13:8

No hott da Abram zumm Lot ksawt, “Loss doch kenn shtreit sei zvishich miah un diah, un zvishich dei heedah un mei heedah, fa miah sinn kshvishtaht.

1. Mosi 45:24

So hott eah sei breedah fatt kshikt un si sinn ganga. Eah hott ksawt zu eena, “Doond nett zadda mitt-nannah uf em vayk.”

Jesoiya 11:6

Di velf un di lemmah zayla bei-nannah layva un di blakkicha vild-katza zayla mitt di yunga gays leiya. En glay kind zayld glenni kelvah, yungi layb un rinnah mitt-nannah yawwa.

Psalm 131:1

Mei hatz is nett shtols, oh Hah, un ich hayb mei awwa nett hohch uf. Ich hald mich nett uf mitt grohsi sacha, adda sacha es zu vundahboah sinn fa mich.

Jesoiya 11:13

Em Ephraim sei jealousy zayld fagay, un em Juda sei feinda vadda abkshnidda. Da Ephraim zayld nett jealous sei ivvah da Juda un da Juda baddaht da Ephraim nimmi.

Psalm 122:1

Ich voah froh vo si ksawt henn zu miah, “Vella nuff an's haus fumm Hah gay.”

Jesoiya 11:9

Nimmand zayld shawda un fadauves du uf meim gansa heilicha berg. Vi da say foll vassah is, so zayld di eaht foll sei mitt leit es da Hah kenna doon.

Psalm 124:1

Vann da Hah nett uf unsah seit gvest veah— loss Israel nau sawwa—

Markus 3:25

Un vann di leit imma haus nett aynich sinn mitt-nannah kenna si nett on gay.