Psalm 127:2 - Pennsylvania Dutch Bible

² Es is fa nix es diah free uf shtaynd, un shpoht in's bett gaynd, am shaffa fa broht zu essa; fa eah gebt shlohf zu selli es eah leeb hott.

Psalm 127:2 Referans Kwoze

Breddichah 5:12

Da shlohf is sees zu sellem es hatt shaft, eb eah bissel adda feel est, avvah's feel sach es da reich mann hott alawbt eem kenn shlohf.

Psalm 4:8

Ich layk mich anna un shlohf in fridda, fa du laynich, oh Hah, losht mich voona aus di kfoah.

Hiob 11:18

No vatt dei glawva shteik veil du hofning hosht, du guksht um dich rumm un zaylsht in fridda roowa.

Psalm 3:5

Ich layk mich anna fa shlohfa; ich vekk viddah uf veil da Hah mich sayf hald.

Jeremia 31:26

An selli zeit binn ich vakkah vadda un habb ufgegukt. Mei shlohf voah blesiahlich zu miah.

Ezekiel 34:25

Ich mach en bund funn fridda mitt eena, un mach's land frei funn vildi diahra, so es si in di vildahnis voona kenna un in di busha shlohfa kenna unni kfoah.

Breddichah 1:14

Ich habb awl di sacha ksenna es gedu sinn unnich di sunn; si sinn awl unni mayning, so vi vann ma broviahra dayt da vind fanga.

Breddichah 6:7

Alles es en mensh shaft difoah gayt in sei maul, avvah doch vatt eah nee nett satt.

Breddichah 4:8

Datt voah en mann gans laynich; eah hott kenn boo katt un aw kenn broodah. Avvah's voah kenn end zu awl sei shaffes, un sei awwa henn nett genunk geld greeya kenna. Eah hott kfrohkt, “Fa veah binn ich am so hatt shaffa, un favass binn ich am mich halda funn blesiah havva?” Dess is aw leah un gebt layva kenn mayning, en aylendichah vayk fa layva!

Psalm 60:5

Mitt dei rechtsi hand nemm uns aus di kfoah un heich uns ab, so es selli es du leeb hosht frei gmacht vadda.

Shpricha 10:22

Da sayya fumm Hah macht em reich, un gebt kenn dreebsawl mitt.