Psalm 119:9 - Pennsylvania Dutch Bible

⁹ Vi kann en yungah mann sei vayk sauvah halda? Bei layva vi dei vatt sawkt.

Psalm 119:9 Referans Kwoze

2. Timotheus 2:22

Bleib vekk funn di lushtboahri sacha es yungi leit nohch gayn, avvah gay gerechtichkeit, glawva, leevi un fridda nohch, mitt selli vo da Hah ohroofa funn en rein hatz.

Joshua 1:7

Yusht sei shteik un feich dich nett fa alles ausfiahra noch em Ksetz vi da Mosi mei gnecht diah's gebodda hott. Dray nett rechts adda lings fumm Ksetz so es alles goot ausshaft fa dich es du unnah-nemsht.

Psalm 25:7

Denk nett an di sinda funn mei yungi dawwa, un aw nett vi ich geyyich dich kshaft habb. Denk an mich deich dei bamhatzichkeit, oh Hah, veil du goot bisht.

Psalm 119:11

Ich hald dei vatt in meim hatz, so es ich nett sindich geyyich dich.

Shpricha 1:10

Mei kind, vann sindah dich lokka, gebb nett ei zu eena.

Psalm 34:11

Kummet, mei kinnah, heichet mich ab; ich lann eich fa da Hah firchta.

Johannes 15:3

Diah sind nau shund sauvah gmacht deich di vadda es ich ksawt habb zu eich.

Breddichah 11:9

Sei fraylich, yungah mann, diveil es du yung bisht; loss dei hatz dich froh macha diveil es du yung bisht. Du vass glushtich is zu deim hatz, un vass-evvah es dei awwa sayna, avvah fagess nett es Gott dich richta zayld fa awl dess.

Shpricha 4:1

Heichet mei kinnah, zu di lanning es en faddah gebt, gevvet acht, so es diah lanning un eisicht greeyet.

Shpricha 1:4

so es selli vo nett kshvind fashtayn, gland vadda, un so es di yungi leit eisicht un fashtand greeya.

Shpricha 7:7

Ich habb yungi mennah ksenna es noch nett feel fashtayn, un unnich eena voah aynah unni goodi eisichta.

Hiob 1:5

Vann si faddich voahra mitt iahra grohs essa, hott da Hiob als kshikt un si heilich gmacht. Eah is free meiyets uf kshtanna un hott brand-opfahra gopfaht fa yaydahs funn eena. Eah hott ksawt, “Fleicht henn mei kinnah ksindicht un evil kshvetzt veyyich Gott in iahra hatz.” Dess hott eah alli-mohl gedu.

Lukas 15:13

Glei noch sellem, hott da yingsht boo alles zammah gegeddaht es eah katt hott, un is uf en langah trip ganga in en annah land. Datt hott eah awl sei geld deich gyawkt mitt vild un lohs layva.

2. Chronik 6:16

Nau, oh Hah, da Gott funn Israel, hald sell es du fashprocha hosht zu meim faddah, dei gnecht da Dawfit, vo du ksawt hosht, ‘Vann dei boova acht gevva un lawfa fannich miah in meim ksetz vi du hosht, dann zaylsht du unni fayl en mann fannich miah havva uf em kaynich-shtool funn Israel.’

Hiob 13:26

Fa du shreibsht biddah sach nunnah geyyich mich, un machsht mich mei sinda funn yungem uf eahva.

5. Mosi 17:18

Vann eah kaynich vatt soll eah sich en gleichnis ausshreiva funn demm ksetz un's in en buch shreiva lossa. Eah soll's greeya funn di preeshtah es Lefiddah sinn.

Psalm 17:4

So veit es di verka funn mensha oh gayn, havvich kenn evil gedu mitt gvald, bei's vatt funn dei leftz halda.

Shpricha 2:11

Goodah fashtand zayld dich heeda, un eisicht zayld ivvah dich vatsha,