Psalm 119:40 - Pennsylvania Dutch Bible

⁴⁰ Gukk moll, ich habb en falanga fa dei adnunga, gebb miah layva in dei gerechtichkeit.

Psalm 119:40 Referans Kwoze

Johannes 10:10

Da deeb kumd yusht fa shtayla, doht macha un fadauva. Ich binn kumma es si layva havva kenna, un es si en foll layva havva kenna.

Psalm 119:20

Mei sayl fazeaht sich mitt en falanga fa dei adnunga di gans zeit.

2. Korinther 7:1

Siddah es miah dee fashprechinga henn, leevi breedah, vella uns selvaht sauvah macha funn alles es unsah leib un geisht unsauvah macht. Un vella fassich gay geyyich folkummani heilichkeit mitt di furcht funn Gott.

Psalm 119:159

Gukk moll vi leeb es ich dei adnunga habb; gebb miah layva, oh Hah, deich dei shtandhaftichi-leevi.

Psalm 119:37

Dray mei awwa vekk funn sacha gukka es nix veaht sinn, mach mich shteik in dei vayya.

Psalm 119:25

Mei sayl is niddah glaykt in da shtawb, mach mich viddah shteik deich dei vatt.

Epheser 2:5

even vo miah doht voahra in unsah sinda, hott eah uns levendich gmacht mitt Christus, (deich gnawt sind diah saylich vadda),

Galater 5:17

Fa's falanga fumm flaysh is geyyich's falanga fumm Geisht un's falanga fumm Geisht geyyich's falanga fumm flaysh. Si sinn geyyich nannah un halda eich funn du vass diah vellet.

1. Korinther 15:45

So shtayt's kshrivva, “Da eahsht mann Adam is en levendichi sayl vadda;” da letsht Adam is en geisht vadda vo layva gebt.

Matthäus 26:41

Vatshet un baydet so es diah nett in di fasuchung fallet. Da geisht is villing avvah's flaysh is shvach.”

Psalm 119:156

Dei bamhatzichkeit is grohs, oh Hah, gebb miah layva so vi dei adnunga sawwa.

Psalm 119:149

Deich dei shtandhaftichi-leevi, heich mei shtimm ab, deich dei gerechtich richtes, hald mei layva sayf, oh Hah.

Psalm 119:107

Ich binn am feel leida deich macha, gebb miah layva, oh Hah, vi dei vatt fashprecht.

Psalm 119:88

Deich dei shtandhaftichi-leevi, mach mei layva viddah shteik, so es ich di zeiknisa funn deim maul halda kann.

3. Johannes 1:2

Mei leeblichah, ich vinsh es alles goot gay soll mitt diah un es du ksund bisht, grawt vi's aw goot gayt mitt dei sayl.

Römer 7:24

Oh aylendichah mensh es ich binn! Veah macht mich lohs funn demm leib es mich zumm doht bringd?

Johannes 5:21

Vi da Faddah di dohda uf vekt un gebt eena layva, so gebt da Sohn aw layva zu veah-evvah es eah vill.

Markus 9:24

No hott demm kind sei faddah awwa-vassah grikt. Un grawt hott eah naus gegrisha, “Ich glawb, Hah. Helf du meim unglawva.”

Psalm 119:5

Oh es mei vayya yusht shtandhaftich veahra, fa dei gebodda eahnshtlich halda!