Psalm 119:159 - Pennsylvania Dutch Bible

¹⁵⁹ Gukk moll vi leeb es ich dei adnunga habb; gebb miah layva, oh Hah, deich dei shtandhaftichi-leevi.

Psalm 119:159 Referans Kwoze

Psalm 119:97

Oh, vi leeblich is dei ksetz zu miah! Ich denk drivvah da gans dawk lang.

Psalm 119:153

Gukk an mei aylend un setz mich frei, fa ich habb dei ksetz nett fagessa.

Nehemia 13:22

No habb ich di Lefiddah ksawt fa gay un sich rein macha, un gay di doahra vatsha so es da Sabbat-Dawk heilich kalda vatt. Denk an mich aw fa dess, oh mei Gott, un veis dei grohsi bamhatzichkeit un leevi zu miah.

Nehemia 5:19

Denk an mich mitt gnawt, oh mei Gott, fa alles es ich gedu habb fa dee leit.

2. Kaynicha 20:3

“Meindsht du, oh Hah, vi ich shtandhaftich gloffa binn fannich diah mitt en folkumma hatz un habb gedu vass diah kfellich voah?” Un da Hiskia hott biddahlich keild.

Psalm 119:47

Ich habb frayt in dei gebodda, veil ich si leeb habb.