Psalm 119:137 - Pennsylvania Dutch Bible

¹³⁷ Du bisht gerecht, oh Hah, un dei richtes is recht.

Psalm 119:137 Referans Kwoze

Jeremia 12:1

Du bisht immah gerecht, oh Hah, vann ich mich faglawk zu diah. Doch, muss ich dich frohwa veyyich dei gerichtes: Favass gayt's goot mitt di gottlohsa? Favass gayt alles di unglawvicha iahra vayk?

Ezra 9:15

Oh Hah, du Gott funn Israel, du bisht gerecht! Miah sinn selli es ivvahrich sinn funn kfanga sei deah dawk. Miah sinn do fannich diah in unsah shuld, avvah deich sell kann nimmand funn uns fannich diah shtay.”

Daniel 9:7

Du bisht gerecht, oh Hah, avvah miah missa uns shemma, so vi's gayt mitt di mennah funn Juda, di leit funn Jerusalem, gans Israel nayksht un veit vekk in awl di lendah es du uns anna gedrivva hosht veil miah nett shtandhaftich voahra mitt diah.

Psalm 145:17

Da Hah is gerecht in awl sei vayya, un bamhatzich zu alles es eah gmacht hott.

Di Offenbarung 16:7

Un ich habb en anra keaht sawwa aus em awldah, “Yau, Hah, du Awlmechtichah Gott, dei gerichta sinn voahhaftich un gerecht.”

Daniel 9:14

Da Hah voah am voahra un nau hott eah dee dreebsawl uf uns gebrocht, fa da Hah unsah Gott is gerecht in alles es eah dutt; avvah doch henn miah eem nett keicht.

Psalm 103:6

Da Hah shaft gerechtichkeit, un macht alles recht fa selli es nunnah gedredda sinn.

Psalm 99:4

Da Kaynich is mechtich un leebt richtes— du hosht auskshaft vass recht is. Du hosht gerechtichkeit un gericht auskshaft im Jakob.

Nehemia 9:33

Du bisht gerecht in alles es du uf uns kumma glost hosht, du hosht recht gedu, avvah miah henn letz gedu.

5. Mosi 32:4

Eah is da Felsa, sei verka sinn folkumma; awl sei vayya sinn recht. En shtandhaftichah Gott es nix letzes dutt, gerecht un ufrichtich is eah.

Di Offenbarung 19:2

fa sei richtes is voah un gerecht. Eah hott di grohs huah kshtrohft es di veld fashmiaht hott mitt iahra huahrahrei, un is ayva kumma mitt iahra fa's bloot funn sei gnechta.”

Römer 2:5

Avvah deich dei hatt hatz vass dich nett lost boos du, bisht du am zann ufshtoahra fa sellah dawk funn zann. Sell is vann Gott sei gerecht gerichtes sich veisa dutt.

Römer 9:14

Vass sella miah dann sawwa? Is Gott ungerecht? Ich dayt moll nett denka!