Psalm 119:11 - Pennsylvania Dutch Bible

¹¹ Ich hald dei vatt in meim hatz, so es ich nett sindich geyyich dich.

Psalm 119:11 Referans Kwoze

Psalm 37:31

es ksetz funn sei Gott is in seim hatz, un sei fees doon nett shlibba.

Kolosser 3:16

Losset's Vatt funn Christus in eich voona in alli veisheit, vi diah nannah lannet un famohnet mitt psaltah un lohb-leedah un geishtlich singes. Singet zumm Hah mitt gnawt in eiyah hatza.

Psalm 40:8

Ich froi mich fa dei villa du, oh mei Gott, dei Ksetz is in meim hatz.”

Jeremia 15:16

Dei vadda voahra kfunna, un ich habb si gessa, dei vadda sinn mei frayt un da drohsht funn meim hatz, fa ich binn kaysa bei deim nohma, oh Hah Awlmechtichah Gott.

Psalm 1:2

Avvah sei frayt is mitt em Ksetz fumm Hah, un eah denkt veyyich seim Ksetz dawk un nacht.

Hiob 22:22

Nemm lanning funn sei maul, un layk sei vadda uf in dei hatz.

Psalm 119:97

Oh, vi leeblich is dei ksetz zu miah! Ich denk drivvah da gans dawk lang.

Jesoiya 51:7

Heichet mich ab, diah es di gerechtichkeit visset, diah leit es mei ksetz in eiyah hatz hend. Feichet eich nett vann leit eich nunnah doon, seind nett grikt vann si kshvetzah macha veyyich eich.

Shpricha 2:1

Mei kind, vann du mei vadda ohnemsht, un mei gebodda uf shtoahsht in diah,

Lukas 2:19

Avvah di Maria hott awl dee sacha in meind kalda, un hott hatzlich drivvah gedenkt.

Psalm 19:13

Hald dei gnecht funn moot-villichi sinda, loss mei sinda nett roola ivvah mich. No zayl ich unshuldich sei, un frei sei funn grohsi sinda.

Lukas 2:51

No is eah mitt eena zrikk an Nazareth ganga un hott eena keicht. Avvah sei maemm hott awl dee sacha kalda in iahrem hatz.