Psalm 116:6 - Pennsylvania Dutch Bible

⁶ Da Hah heet selli es sich nett selvaht helfa kenna, vo ich shvach voah, hott eah miah kolfa.

Psalm 116:6 Referans Kwoze

Psalm 142:6

Heich mich oh, fa ich habb en grohsi noht. Mach mich frei funn selli es mich fafolka, fa si sinn zu shteik fa mich.

Psalm 19:7

Es Ksetz fumm Hah is folkumma, un gebt nei layva zu di sayl. Es zeiknis fumm Hah kann gedraut sei, un gebt veisheit zu selli es nett fashtayn.

Matthäus 11:25

An selli zeit hott Jesus gebayda un hott ksawt, “Ich dank dich, Faddah un Hah fumm Himmel un di eaht, es du dee sacha zrikk kalda hosht funn dee vo veisheit henn un gland sinn, un hosht si gvissa zu denna vo sinn vi kinnah.

Psalm 79:8

Hayb di sinda funn unsah foah-feddah nett geyyich uns; loss dei bamhatzichkeit kshvind uf uns kumma, fa miah henn en grohsi noht.

Psalm 25:21

Loss unshuld un ufrichtichkeit mich heeda, veil mei hofning in diah is.

Jesoiya 35:8

Es zayld en grohsah vayk datt sei, un eah zayld da Heilich Vayk kaysa sei. Nimmand unreines dauf datt druff gay, da vayk is yusht fa sei leit; selli unni veisheit lawfa nett druff.

Kolosser 3:22

Diah gnechta, heichet eiyah nadiahlichi meishtah in alli sacha. Shaffet nett yusht vann si eich sayna kenna fa si froh macha, avvah shaffet mitt ayfeldichkeit im hatz un mitt Gottes-furcht.

2. Korinther 11:3

Avvah ich feicht, es grawt vi di shlang di Ayfaw fafiaht hott mitt iahra shlichtheit, so vadda eiyah gedanka vekk gedrayt funn di ayfeldichkeit in Christus.

2. Korinther 1:12

Nau dess is unsah frayt: unsah innahlich zeiknis sawkt uns es miah henn uns uf kfiaht in di veld mitt heilichkeit un gettlichah eahnsht, nett mitt menshlichi veisheit avvah in di gnawt funn Gott; un unsah lawf voah even may so geyyich eich.

Römer 16:19

Alli-ebbah hott keaht vi diah Gott nohch folyet. Fasell, froi ich mich ivvah eich, avvah ich vill havva es diah veisheit hend veyyich goodi sacha, un eich unshuldich haldet veyyich evili sacha.

Psalm 106:43

Eah hott si oft frei gmacht, avvah si henn sich kshteibaht un henn geyyich een kshaft, un si sinn als deefah in sinda ganga.