Psalm 112:10 - Pennsylvania Dutch Bible

¹⁰ Da gottlohs mann saynd dess un vatt bays, eah beist sei zay zammah un fagayt; da falanga funn di gottlohsa kumd zu nix.

Psalm 112:10 Referans Kwoze

Lukas 13:28

Datt zaylet diah heila un eiyah zay zammah beisa, vann diah da Abraham, da Isaac, da Jakob un awl di brofayda saynet im Reich-Gottes, un diah selvaht sind raus kshtohsa.

Shpricha 11:7

Vann da gottlohs mensh shtaubt, dann is sei hofning faloahra, di graft es eah sich falossa hott druff kumd zu nix.

Shpricha 10:28

Di hofning funn di gerechta is frayt, avvah di hofning funn di gottlohsa kumd zu nix.

Psalm 86:17

Veis miah en zaycha es du's goot maynsht fa mich, so es selli es mich hassa sich shemma missa, veil du, oh Hah, miah bei shtaysht un mich drayshta dusht.

Psalm 37:12

Di gottlohsa shaffa geyyich di gerechta, un beisa iahra zay zammah geyyich si.

Hiob 8:13

So gayt's mitt alli-ebbah es Gott fagest, un di hofning funn di ungettlicha vatt faloahra.

Matthäus 22:13

No hott da kaynich ksawt zu di gnechta, ‘Binnet sei hend un sei fees un shmeiset een naus in's ausahsht dunkla. Datt doon leit heila un iahra zay zammah beisa.’

Matthäus 8:12

Avvah di kinnah fumm kaynich-reich zayla naus kshmissa sei in di ausahsht finshtahnis. Si zayla heila un di zay zammah beisa.”

Nehemia 2:10

Avvah vo da Sanballat, da Horoniddah, un da Tobia, da Ammoniddish gnecht dess keaht henn, voahra si oahrich ufgriaht veil ebbah kumma is fa's goot funn di Kinnah-Israel sucha.

Hiob 20:7

zayld eah ayvichlich zu nix gebrocht vadda, so vi sei misht, un selli es een ksenna henn zayla sawwa, ‘Vo is eah?’