Psalm 11:2 - Pennsylvania Dutch Bible

² Gukk moll, di gottlohsa zeeya iahra bow zrikk; si setza iahra arrows fa sheesa, fa sheesa im dunkla geyyich di gerechta.

Psalm 11:2 Referans Kwoze

Jeremia 9:3

“Si beeya iahra zunga vi en bow; iahra leeya un di unvoahret henn's land ivvah-gnumma. Si gayn funn ay evil ding zumm nekshta, avvah mich doon si nett achta.” So sawkt da Hah.

Psalm 37:14

Di gottlohsa zeeya's shvatt raus, un zeeya da bow zrikk, fa di oahma un aylendichi nunnah bringa, un selli shlachta es ufrichtich lawfa.

Psalm 21:12

Du machsht si iahra bikkel drayya, vann du dei gezowwanah bow zeelsht an iahra ksichtah.

Matthäus 26:4

Un si henn unnich nannah ausgmacht vi si Jesus hinna rumm eishtekka zayla un een doht macha.

Psalm 142:3

Vann's meim geisht angsht vatt, is es dich es mei pawt vayst. Im vayk vo ich lawf henn si en fall ksetzt fa mich.

Psalm 125:4

Oh Hah, du goot zu selli es goot sinn, un zu selli es ufrichtich im hatz sinn.

Psalm 97:11

Es licht sheind uf di gerechta, un frayt sheind uf di ufrichticha im hatz.

Psalm 94:15

Gerichtes zayld viddah uf gerechtichkeit gebaut vadda, un awl di ufrichticha im hatz gevva sich ivvah ditzu.

Psalm 64:10

Di gerechta leit zayla sich froiya im Hah, un zayla sich zu eem fadrauwa. Awl di ufrichticha im hatz zayla een preisa.

Psalm 32:11

Froiyet eich ivvah da Hah, un seind fraylich diah gerechti; un singet mitt frayt, diah es ufrichtichi hatza hend.

Psalm 10:2

Di gottlohsa sinn grohs-feelich un gayn di oahma nohch; loss si kfanga sei in iahra aykni shkeema.

Psalm 7:12

Vann en mensh nett boos dutt, dann macht eah sei shauf; eah shpand sei bow un zeeld.

Psalm 7:10

Mei shield ivvah mich is Gott, deah vo di gerechta im hatz helft.

1. Samuel 23:9

Da Dawfit hott gvist es da Saul am sich rishta is fa eem shawda du, so hott eah zumm preeshtah Abiathar ksawt, “Bring da preeshtah-shatz do heah.”

1. Samuel 18:21

Eah hott gedenkt, “Ich gebb see zu eem so es see en fall is zu eem, un so es di hand funn di Philishtah geyyich een is.” So hott da Saul ksawt zumm Dawfit, “Du hosht nochamohl gleyyaheit fa mei dochtah-mann vadda.”