Psalm 109:18 - Pennsylvania Dutch Bible

¹⁸ Eah hott da fluch gvoahra vi en glayt, loss en fluch in sei leib gay vi vassah, un in sei gnocha vi ayl.

Psalm 109:18 Referans Kwoze

Psalm 73:6

Fasell doon si iahra hohchmoot veahra vi en keshtlichi hals-kett, un iahra unfashtand dekt si zu vi glaydah.

4. Mosi 5:22

un dess vassah es en fluch bringd soll in dei bauch gay un dei bauch macha ufkshvilla un dei hift macha fazeahra.” No soll di fraw sawwa, “Amen. Amen.”

Kolosser 3:12

So es vi selli vo raus groofa sinn bei Gott, un vo heilich un leeblich sinn, doond eich oh mitt hatzlichi bamhatzichkeit, freindlichkeit, daymoot, sanftmoot un geduld.

1. Petrus 5:5

In en gleichlichah vayk, diah vo yingah sind, gevvet eich unnich selli vo eldah sinn. Glaydet eich mitt daymoot geyyich nannah, fa “Gott veaht sich geyyich di shtolsa, avvah gebt gnawt zu di daymeedicha.”

Kolosser 3:8

Avvah nau doond awl dee sacha vekk funn eich: zann, baysi verka, hass, leshtahra, drekkichi kshvetzah aus eiyahm maul.

Di Apostelgeschichte 1:25

es eah dess aposhtel-deensht nemd vo da Judas abkfalla is difunn. Deah Judas is an da blatz ganga vo eah fadeend hott.”

Di Apostelgeschichte 1:18

(Nau deah mann hott en feld gekawft mitt demm ungerecht geld un is kobb-feddahsht nunnah kfalla. Sei bauch is uf kumma un sei deahm sinn awl raus kumma.

Matthäus 26:24

Da Mensha Sohn gayt vi's kshrivva is veyyich eem, avvah vay zu sellem mann vo da Mensha Sohn farohda dutt! Es veah bessah gvest vann sellah mann nee nett geboahra gvest veah.”

Hiob 29:14

Ich habb gerechtichkeit ohgedu fa mei glaydah, un fa's recht ding du, voah vi en rokk un en kobb-duch zu miah.

4. Mosi 5:27

Vann see's vassah gedrunka hott, un vann see sich unrein gmacht katt hott bei sindicha geyyich iahra mann, dann soll sell vassah es en fluch bringd in see nei gay un biddahri shmatza macha; iahra bauch kshvild uf, iahra hift fazeaht un see vatt en fluch unnich iahra leit.

Psalm 109:19

Loss es sei zu eem es vi glaydah es um een rumm gvikkeld sinn, vi en belt es immah um een rumm is.