Psalm 107:2 - Pennsylvania Dutch Bible

² Loss selli es saylich sinn so sawwa, selli es eah aus noht frei-kshteld hott,

Psalm 107:2 Referans Kwoze

Lukas 1:74

fa uns halda funn di hand funn unsah feinda, so es miah een deena kenna unni uns feicha,

Galater 3:13

Christus hott uns lohs gmacht fumm fluch fumm Ksetz bei en fluch vadda fa uns—fa's is kshrivva, “Faflucht is alli-ebbah es uf en bohm henkt”—

Psalm 106:10

Eah hott eena aus di hand kolfa funn selli es si kast henn, un hott si frei gmacht funn di hand funn iahra feinda.

Titus 2:14

Eah is sellah vo sich selvaht gevva hott fa uns, so es eah uns lohs macha kann funn alli ungerechtichkeit, un so es eah en folk reinicha kann fa sich selvaht vo fleisich is fa goodi eahvet du.

Psalm 31:5

In dei hend gevvich mei geisht, du hosht mich frei gekawft, oh Hah, du shtandhaftichah Gott.

Lukas 1:68

“Glohbt sei da Hah, da Gott funn Israel, fa eah is zu sei leit kumma un hott si saylich gmacht.

Jesoiya 44:22

Ich habb dei ivvah-dreddes vekk gekeaht vi en volk, un dei sinda vi nevvel. Kumm zrikk zu miah; ich habb dich saylich gmacht.”

Jesoiya 35:9

Kenn layb zayld datt sei, un kenn rawsich diah gayt druff, si vadda nett kfunna datt. Yusht di saylicha zayla datt lawfa.

Jesoiya 43:1

Avvah nau, dess is vass da Hah sawkt, deah es dich kshaffa hott, oh Jakob, deah es dich gmacht hott, oh Israel: “Feich dich nett, fa ich habb dich frei gmacht; ich habb dich groofa bei deim nohma, du bisht mei.

Jeremia 15:21

“Ich hald dich aus di hand funn di ungettlicha, un nemm dich aus di hand funn di gvaldicha.”

Jesoiya 62:12

Si zayla “Di Heilicha Leit” kaysa sei, “Di Leit Es Da Hah Saylich Gmacht Hott.” Un du vasht “Raus Ksucht” kaysa, “Di Shtatt Es Nimmi Falossa Is.”

5. Mosi 7:8

Es voah veil da Hah eich leeb katt hott un sei vatt kalda hott, dess es eah kshvoahra katt hott zu eiyah foah-feddah. Fasell hott eah eich raus gebrocht mitt en mechtichi hand un eich frei gmacht fumm gnechta-land, funn di hand fumm Pharao, da kaynich funn Egypta.

Jeremia 31:11

Fa da Hah hott da Jakob frei gekawft; eah hott een frei gmacht funn selli es mechtichah sinn es eah.

5. Mosi 15:15

Fagesset nett es diah bunds-gnechta voahret in Egypta un da Hah eiyah Gott eich frei ksetzt hott. Sell is favass es ich eich dess gebott gebb heit.

2. Mosi 15:16

Furcht un angsht fald uf si. Deich di graft funn deim oahm, zayla si so shtill sei es en shtay, biss dei leit fabei gayn, oh Hah, biss dei leit fabei gayn es du gekawft hosht.

Lukas 24:21

Avvah miah henn als koft es eah veah da vann vo glei Israel frei macha dayt. Un nayvich awl demm, es is nau shund da dritt dawk siddah es dess blatz gnumma hott.

Jesoiya 63:4

Da dawk fa shtrohfa voah in meim hatz, un's yoah fa frei macha is do.

Psalm 130:8

Eah macht Israel saylich, funn awl iahra sinda.

Micha 4:10

Du musht leida in shmatza, du dochtah funn Zion, vi en veibsmensh am en kind havva. Du musht nau aus di shtatt gay, un draus im feld voona. Du musht an Babylon gay; datt vasht du viddah frei gmacht. Datt dutt da Hah dich lohs drayya, aus di hand funn dei feinda.