Psalm 103:4 - Pennsylvania Dutch Bible

⁴ Eah shteld dei layva frei fumm grawb, un krohnd dich mitt gnawt un bamhatzichkeit.

Psalm 103:4 Referans Kwoze

Psalm 71:23

Mei leftz greisha naus mitt frayt, vann ich lohb sing zu diah; un mei sayl es du gerecht gmacht hosht dutt aw.

Psalm 56:13

Fa du hosht mei sayl aus di kfoah fumm doht kalda, un mei fees kalda funn shtolbahra, so es ich fannich Gott lawfa kann, im licht funn layva.

Psalm 103:12

So veit es di east is funn di west, so veit dutt eah unsah sinda vekk funn uns.

1. Petrus 5:4

No vann da Evvahsht Shohf-Heedah sich moll veist, dann greeyet diah en hallichah krohn es nee nett ufheaht sheina.

Psalm 8:5

Du hosht een vennichah un niddahrah gmacht es di engel, un hosht een gekrohnd mitt hallichkeit un kaynich-eah.

Psalm 5:12

Fa du saykendsht di gerechta, oh Hah; du umringsht si mitt gnawt vi mitt en shield.

Jakobus 1:12

Ksaykend is da mann vo di fasuchung deich macht. Fa vann eah's geduldich deich macht, dann grikt eah da layves-krohn vo da Hah fashprocha hott zu selli vo een leeb henn.

Psalm 34:22

Da Hah kawft sei gnechta iahra layva frei, un nimmand es eem draut zayld fadamd sei.

Di Offenbarung 5:9

Un si henn en nei leet ksunga, un henn ksawt, “Du bisht's veaht fa's buch nemma un di seals uf macha. Fa du voahsht doht gmacht un dei bloot hott uns gekawft fa Gott funn alli kshlecht, un zung, un leit, un land.

Psalm 21:3

Du hosht een ohgedroffa mitt goodi sayya, un hosht en krohn funn fei gold uf sei kobb ksetzt.

1. Mosi 48:16

sei engel es mich frei kalda hott funn awl evil vill ich havva es dee boova saykend, un macht es mei nohma on layva dutt in eena, un aw di nohma funn mei feddah da Abraham un da Isaac; un macht es si vaxa doon biss si feel leit sinn uf di eaht.”

Psalm 65:11

Du krohnsht's yoah mitt dei goodi eahn; datt vo du fabei kfoahra bisht sinn feel goodi sacha.

Jesoiya 38:17

Es voah geviss fa mei goot, es es miah so bang voah. Du hosht mei sayl hatzlich ohgnumma, so es see nett fadauva gayt. Du hosht awl mei sinda hinnich dei bukkel gedu.

Jesoiya 54:8

Mitt en shnellah ohfang funn zann, habb ich mei ksicht fashtekkeld funn diah fa vennich, avvah mitt ayvichi leevi, zayl ich bamhatzich sei zu diah,” sawkt da Hah es dich saylich macht.